 (ພາບ: TTXVN) |
ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໃຫ້ຮູ້ວ່າ 2 ເດືອນຕົ້ນປີ 2022, ຍອດວົງເງິນສົ່ງອອກ, ນຳເຂົ້າຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ ບັນລຸເກືອບ 14,2 ຕື້ USD, ເພີ່ມຂຶ້ນ 15,8% ເມື່ອທຽບໃສ່ໄລຍະດຽວກັນຂອງປີ 2021; ໃນນັ້ນ, ຄາດວ່າ ມູນຄ່າການສົ່ງອອກບັນລຸ 8 ຕື້ USD, ສ່ວນມູນຄ່າການນຳເຂົ້າບັນລຸກວ່າ 6,2 ຕື້ USD. ເປັນອັນວ່າ, ມູນຄ່າສົ່ງອອກເກີນດຸ່ນສຳລັບຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳບັນລຸເກືອບ 1,8 ຕື້ USD.
ຜະລິດຕະພັນ ແລະ ກຸ່ມຜະລິດຕະພັນຈຳນວນໜຶ່ງມີຄຸນຄ່າສົ່ງອອກເພີ່ມຂຶ້ນ ເຊັ່ນ: ກາເຟ, ຢາງພາລາ, ເຂົ້າສານ, ໝາກພິກໄທ, ນ້ຳນົມ ແລະ ຜະລິດຕະພັນຈາກນ້ຳນົມ…
ສຳລັບຕະຫຼາດສົ່ງອອກ, ມູນຄ່າສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ ໄປຍັງຕະຫຼາດຕ່າງໆໃນທະວີບ ອາຊີ ແມ່ນຢືນອັນດັບແຖວໜ້າ, ກວມເອົາ 39,5% ອັດຕາສ່ວນຕະຫຼາດ; ຖັດຈາກນັ້ນແມ່ນ ທະວີບອາເມລິກາ, ເອີຣົບ, ໂອເຊອານີ ແລະ ອາຟະລິກາ. ອາເມລິກາ ສືບຕໍ່ແມ່ນຕະຫຼາດສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຫຼາຍທີ່ສຸດຂອງ ຫວຽດນາມ. ຖັດຈາກນັ້ນແມ່ນ ຕະຫຼາດ ຈີນ ແລະ ຍີ່ປຸ່ນ.
