 ທ່າກ່ຳປັ່ນ Kwai Chung ຢູ່ ຮົ່ງກົງ, ຈີນ, ວັນທີ 3/4/2025 (ພາບ:Reuters) |
ໃນສື່ສັງຄົມອອນໄລ TruthSocial, ປະທານາທິບໍດີ Trump ແຈ້ງໃຫ້ຊາບວ່າຄະນະເຈົ້າໜ້າທີ່ລວມມີ ທ່ານລັດຖະມົນຕີກະຊວງການເງິນ Scott Bessent, ທ່ານລັດຖະມົນຕີການຄ້າ Howard Lutnick, ຜູ້ຕາງໜ້າດ້ານການຄ້າ, ທ່ານເອກອັກຄະລັດຖະທູດ Jamieson Greer ຈະເດີນທາງໄປຍັງ ລອນດອນໃນວັນທີ 9 ມິຖຸນາ ເພື່ອປຶກສາຫາລືກັບຜູ້ຕາງໜ້າ ຈີນ ກ່ຽວກັບຂໍ້ຕົກລົງດ້ານການຄ້າລະຫວ່າງສອງປະເທດ. ນີ້ແມ່ນການເຈລະຈາດ້ານການຄ້າຮອບທີ 2 ເພື່ອແນໃສ່ແກ້ໄຂບັນດາບັນຫາທີ່ກ່ຽວຂ້ອງເຖິງພາສີອາກອນລະຫວ່າງສອງພື້ນຖານເສດຖະກິດໃຫຍ່ສຸດໃນໂລກ.
ແຈ້ງການຂອງທ່ານປະທານາທິບໍດີ Donald Trump ໄດ້ຍົກອອກມາພາຍຫຼັງການໂອ້ລົມທາງໂທລະສັບກັບທ່ານປະທານປະເທດຈີນ ສີຈີ້ນຜິງ 1 ວັນ. ນີ້ແມ່ນການໂອ້ລົມທາງໂທລະສັບທີ່ໄດ້ຮັບການລໍຄອຍແຕ່ດົນ ໃນຂະນະທີ່ການເຈລະຈາດ້ານການຄ້າລະຫວ່າງສອງປະເທດຕົກເຂົ້າສູ່ສະພາບຈົນຕາແຈ.
ຟ້າມຮວັນ - ນັກຂ່າວ VOV ປະຈຳ ອາເມລິກາ
