ອາເມລິກາ, ລັດເຊຍ ເຫັນດີສ້າງກົນໄກໃຫ້ຄຳປຶກສາຫາລືເພື່ອແນໃສ່ແກ້ໄຂບັນດາບັນຫາໃນການພົວພັນສອງຝ່າຍ. ນີ້ແມ່ນໝາກຜົນຂອງການເຈລະຈາລະຫວ່າງບັນດາເຈົ້າໜ້າທີ່ ອາເມລິກາ ແລະ ລັດເຊຍ ໃນວັນທີ 18 ກຸມພາ ຢູ່ ອາຣັບບີ ຊະດຸດິ ເພື່ອປຶກສາຫາລືກ່ຽວກັບມາດຕະການໃຫ້ແກ່ການປະທະກັນຢູ່ ຢູແກຼນ ແລະ ປັບປຸງການພົວພັນສອງຝ່າຍ.
ເມື່ອກ່າວຄຳເຫັນຕໍ່ວົງການນັກຂ່າວກ່ຽວກັບເນື້ອໃນການພົບປະ, ໂຄສົກກະຊວງການຕ່າງປະເທດ ອາເມລິກາ ທ່ານ Tammy Bruce ໃຫ້ຮູ້ວ່າ ສອງຝ່າຍກໍຕົກລົງເຫັນດີແຕ່ງຕັ້ງຄະນະຜູ້ແທນຂັ້ນສູງແນໃສ່ເລີ່ມຕົ້ນວິວັດທະນາການມຸ່ງໄປເຖິງການຢຸດຕິການປະທະກັນຢູ່ ຢູແກຼນ ໂດຍໄວເທົ່າທີ່ຈະໄວໄດ້. ວິວັດທະນາການນີ້ແມ່ນຍາວນານ, ຍືນຍົງ ແລະ ໄດ້ຮັບການຮັບຮອງຈາກທຸກຝ່າຍ. ສອງຝ່າຍກໍເອກະພາບສ້າງພື້ນຖານຮ່ວມມືໃນອະນາຄົດ ໃນບັນດາບັນຫາພູມີສາດການເມືອງທີ່ຕ່າງຝ່າຍຕ່າງມີຄວາມສົນໃຈ. ບັນດາເຈົ້າໜ້າທີ່ ອາເມລິກາ ແລະ ລັດເຊຍ ໃຫ້ຄໍາໝັ້ນສັນຍາຮັກສາການພົບປະເພື່ອຮັບປະກັນວິວັດທະນາການນີ້ສືບຕໍ່ຜັນຂະຫຍາຍຢ່າງມີປະທິທິຜົນ ແລະ ທັນການ.
ນັກຂ່າວ VOV ປະຈຳ ອາເມລິກາ
