ຊາວລີ້ໄພທັງໝົດທີ່ເຂົ້າເມືອງ ອາເມລິກາ ແຕ່ວັນທີ 20 ມັງກອນ 2021 ຮອດວັນທີ 20 ກຸມພາ 2025 ນັ້ນ ຈະໄດ້ຮັບການພິຈາລະນາຢ່າງຮອບດ້ານ ແລະ ມີການສຳພາດຄືນໃໝ່, ລວມທັງຜູ້ທີ່ໄດ້ຮັບບັດຂຽວ (ບັດອະນຸຍາດອາໄສ). ຄຳສັ່ງດັ່ງກ່າວ ໂດຍອຳນາດການປົກຄອງຂອງທ່ານປະທານາທິບໍດີ Donald Trump ສົ່ງເຖິງພະແນກອົບພະຍົບ ແລະ ສັນຊາດ ອາເມລິກາ ດ້ວຍເຫດຜົນ ອຳນາດການປົກຄອງຂອງທ່ານ ປະທານາທິບໍດີ Joe Biden ອາດຈະໃຫ້ບຸລິມະສິດການພິຈາລະນະໃຫ້ມີຈຳນວນຫຼາຍຢ່າງວ່ອງໄວ, ຍິ່ງກວ່າເລື່ອງຖືເອົາຄຸນນະພາບການສຳພາດ, ຄັດເລືອກ ແລະ ກວດກາຢັ້ງຢືນຢ່າງລະອຽດ.
ຕາມຄຳສັ່ງໂດຍອຳນາດການປົກຄອງຂອງທ່ານປະທານາທິບໍດີ Donald Trump ໄດ້ປະກາດແລ້ວ, ບຸກຄົນທີ່ຍື່ນໃບຄຳຮ້ອງ ແຕ່ບໍ່ມີເງື່ອນໄຂຢ່າງພຽງພໍຕາມລະບຽບການຂໍລີ້ໄພນັ້ນ ຈະບໍ່ມີສິດຄ້ານກັບຄຳຕັດສິນຂອງສານ, ບັນດາສະມາຊິກອື່ນໃນຄອບຄົວກໍຈະເສຍຖານະເຂົ້າເມືອງ. ເຖິງຢ່າງໃດກໍຕາມ, ບຸກຄົນເຫຼົ່ານັ້ນມີສິດແກ້ຄວາມຕໍ່ສານ.
ນັກຂ່າວ VOV ປະຈຳ ອາເມລິກາ
