 ທ່ານລັດຖະມົນຕີ ການຕ່າງປະເທດ ອາເມລິກາ Marco Rubio (ພາບ: REUTERS/Jeenah Moon) |
ວັນທີ 15 ສິງຫາ, ທ່ານປະທານາທິບໍດີ ອາເມລິກາ Donald Trump ແລະ ທ່ານປະທານາທິບໍດີ ລັດເຊຍ Vladimir Putin ໄດ້ມີການພົບປະກັນຢູ່ ລັດ Alaska (ອາເມລິກາ) ເພື່ອແນໃສ່ປຶກສາຫາລືກ່ຽວກັບການປະທະກັນລະຫວ່າງ ລັດເຊຍ - ຢູແກຼນ. ເຖິງວ່າ ສອງຝ່າຍລ້ວນແຕ່ຖືວ່າ ການພົບປະເຈລະຈາໄດ້ດຳເນີນຢ່າງມີປະສິດທິຜົນແຕ່ຍັງບໍ່ທັນມີບາດກ້າວບຸກທະລຸໃດຖືກໄດ້ຍົກອອກມາຢູ່ເຫດການຄັ້ງນີ້.
ກ່າວຄຳເຫັນຕໍ່ວົງການນັກຂ່າວໃນວັນທີ 17 ສິງຫາ, ທ່ານລັດຖະມົນຕີ ການຕ່າງປະເທດ ອາເມລິກາ Marco Rubio ເນັ້ນໜັກວ່າ ວິທີການດີທີ່ສຸດເພື່ອຢຸດຕິການປະທະກັນລະຫວ່າງ ລັດເຊຍ - ຢູແກຼນ ແມ່ນຮັບຮອງເອົາຂໍ້ຕົກລົງສັນຕິພາບຢ່າງຮອບດ້ານ. ທ່ານໃຫ້ຮູ້ວ່າ:
ທຸກຝ່າຍລ້ວນແຕ່ເຫັນດີວ່າ ວິທີການດີທີ່ສຸດເພື່ອຢຸດຕິການປະທະກັນນີ້ແມ່ນ ຮັບຮອງເອົາຂໍ້ຕົກລົງຢ່າງຮອບດ້ານ. ພວກຂ້າພະເຈົ້າເຄີຍຮຽກຮ້ອງຂໍ້ຕົກລົງຢຸດຍິງແຕ່ເປັນໜ້າເສຍດາຍຝ່າຍ ລັດເຊຍ ບໍ່ເຫັນດີ. ປັດຈຸບັນ ພວກຂ້າພະເຈົ້າບໍ່ມຸ່ງໄປເຖິງຂໍ້ຕົກລົງຢຸດຍິງ ແຕ່ແນໃສ່ເປົ້າໝາຍຢຸດຕິການປະທະກັນນີ້ເທົ່ານັ້ນ.
ທ່ານລັດຖະມົນຕີການຕ່າງປະເທດ Rubio ຖືວ່າ ເພື່ອບັນລຸໄດ້ຂໍ້ຕົກລົງບັນດາຝ່າຍລ້ວນແຕ່ຕ້ອງມີການປະນີປະນອມໃດໜຶ່ງ ແລະ ນັ້ນແມ່ນສິ່ງຕົ້ນຕໍ່ຂອງບັນດາການເຈລະຈາໃນປັດຈຸບັນ. ຕາມທ່ານລັດຖະມົນຕີການຕ່າງປະເທດ Rubio ແລ້ວ, ເລື່ອງສືບຕໍ່ລົງໂທດລັດເຊຍ ຖ້າບັນດາຝ່າຍບໍ່ບັນລຸໄດ້ຂໍ້ຕົກລົງສັນຕິພາບພຽງແຕ່ເຮັດໃຫ້ບັນດາການເຈລະຈາແກ່ຍາວຕື່ມອີກ ເຊິ່ງບໍ່ບັນລຸໄດ້ປະສິດທິຜົນໃດ.
