 ທ່ານຫງວຽນແມ້ງກວຽນ, ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ |
ຈຸດເນັ້ນໜັກຂອງເຫດການແມ່ນພິທີເຊື່ອມຕໍ່ຂໍ້ມູນຂ່າວສານຈາກບັນດາເຄື່ອງວັດແທກຄຸນນະພາບອາກາດເຂົ້າລະບົບຕິດຕາມກວດກາແຫ່ງຊາດ, ເຊິ່ງເປັນບາດກ້າວສຳຄັນໃນການໝູນໃຊ້ເຕັກໂນໂລຢີ, ຊ່ວຍໃຫ້ປະຊາຊົນສາມາດເຂົ້າເຖິງຂໍ້ມູນຢ່າງງ່າຍດາຍ, ເປັນເຈົ້າການຮັກສາສຸຂະພາບ. ຫຼັງຈາກນັ້ນ, ບັນດາຜູ້ແທນ, ປະຊາຊົນ ແລະ ແຂກທ່ອງທ່ຽວພ້ອມກັນຍ່າງເພື່ອທ້ອງຟ້າສີຂຽວ. ທ່ານຫງວຽນແມ້ງກວຽນ, ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ, ຢັ້ງຢືນວ່າ:
“ນະຄອນ ຮ່າໂນ້ຍ ຊົມເຊີຍ ແລະ ສະໜັບສະໜູນຂໍ້ລິເລີ່ມ “ອາກາດສະອາດ ຫວຽດນາມ ປີ 2025” ໂດຍຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງ, ກະຊວງກສະກຳ ແລະ ສິ່ງແວດລ້ອມ, UNDP ແລະ WHO ລິເລີ່ມ. ຮ່າໂນ້ຍ ພ້ອມແລ້ວທີ່ຈະນຳໜ້າເຂົ້າຮ່ວມ, ສົມທົບກັນຜັນຂະຫຍາຍຂໍ້ລິເລີ່ມນີ້, ປະກອບສ່ວນປະຕິບັດເປົ້າໝາຍແຫ່ງຊາດກ່ຽວກັບການປົວແປງຄຸນນະພາບຂອງອາກາດ, ຮັກສາສຸຂະພາບຊຸມຊົນ ແລະ ພັດທະນາແບບຍືນຍົງ”.
 ບັນຍາກາດຂອງເຫດການ “ອາກາດສະອາດໃຫ້ແກ່ທ້ອງຟ້າສີຂຽວ” |
ໃນພິທີດັ່ງກ່າວ, ຜູ້ຕາງໜ້າບັນດາອົງການຈັດຕັ້ງສາກົນກໍໃຫ້ຄຳໝັ້ນສັນຍາສືບຕໍ່ຮ່ວມເດີນທາງ, ໜູນຊ່ວຍ ຫວຽດນາມ ໃນຄວາມມານະພະຍາຍາມຜ່ານຜ່າສິ່ງທ້າທາຍກ່ຽວກັບມົນລະພິດອາກາດ, ມຸ່ງໄປເຖິງອະນາຄົດສີຂຽວ, ປະຊາຊົນທຸກຄົນມີສຸຂະພາບເຂັ້ມແຂງ.
