 ການນຳອັງກິດ, ຝລັ່ງ, ເຢຍລະມັນ, ໂປໂລຍ ແລະ ຢູແກຼນ(ພາບ: president.gov.ua)
|
ທ່ານປະທານາທິບໍດີ ຢູແກຼນ Volodymyr Zelensky ພ້ອມກັບການນຳ ອັງກິດ, ຝລັ່ງ, ເຢຍລະມັນ ແລະ ໂປໂລຍ ທີ່ພວມຢ້ຽມຢາມ ກີແອັບ, ນະຄອນຫຼວງຂອງ ຢູແກຼນ, ໄດ້ມີການໂອ້ລົມທາງໂທລະສັບກັບທ່ານປະທານາທິບໍດີ ອາເມລິກາ Donald Trump ໃນວັນທີ 10 ພຶດສະພາ, ເພື່ອປຶກສາຫາລືບັນດາຄວາມມານະພະຍາຍາມສັນຕິພາບ. ໃນການໂອ້ລົມທາງໂທລະສັບ, ບັນດາຝ່າຍລ້ວນແຕ່ເຫັນດີພ້ອມແລ້ວຈະປະຕິບັດຄຳສັ່ງຢຸດຍິງຢ່າງສິ້ນເຊິ່ງ ແລະ ບໍ່ມີເງື່ອນໄຂຢູ່ທາງບົກ, ທາງອາກາດ ແລະ ທາງທະເລ, ແກ່ຍາວຢ່າງໜ້ອຍສຸດເປັນເວລາ 30 ວັນ, ເລີ່ມແຕ່ວັນທີ 12 ພຶດສະພາ, ເພື່ອເປີດທາງໃຫ້ແກ່ບັນດາການເຈລະຈາສັນຕິພາບ ກ້າວໄປເຖິງການຢຸດຕິການປະທະກັນທີ່ແກ່ຍາວເປັນເວລາກວ່າ 3 ປີຜ່ານມາລະຫວ່າງ ລັດເຊຍ ແລະ ຢູແກຼນ.
ໃນວັນດຽວກັນ, ທ່ານນາງ Ursula von der Leyen, ປະທານຄະນະກຳມະການເອີລົບ (ອີຊີ) ເນັ້ນໜັກວ່າ, ຄຳສັ່ງຢຸດຍິງໃນທັນທີຢູ່ ຢູແກຼນ ຕ້ອງໄດ້ປະຕິບັດໃນທັນທີ ຫາກບໍ່ຕິດພ້ອມເງື່ອນໄຂເດັດຂາດໃດ.
