ຮາມາດສ ໂຈະການເຈລະຈາແລກປ່ຽນນັກໂທດກັບ ອິດສະຣາແອັນ

ທະຫານ ອິດສະຣາແອັນ ເຂົ້າຮ່ວມບັ້ນຮົບຢູ່ເຂດ ກາຊາ (ພາບ: THX/TTXVN)

ວັນທີ 14 ກັນຍາ, ຂະບວນການ ຮາມາດສ ຢັ້ງຢືນວ່າ ໄດ້ໂຈະວິວັດທະນາການເຈລະຈາແລກປ່ຽນນັກໂທດ ແລະ ຕົວປະກັນກັບ ອິດສະຣາແອັນ, ພາຍຫຼັງທີ່ກ່າວຫາ ອິດສະຣາແອັນ ບຸກໂຈມຕີທາງອາກາດເຂົ້າໃສ່ຄະນະເຈລະຈາຂອງກຳລັງນີ້ຢູ່ນະຄອນຫຼວງ ໂດຮາ ທີ່ ກາຕາ ໃນອາທິດກ່ອນ. ທ່ານ Tahir al-Nono, ເຈົ້າໜ້າທີ່ຂັ້ນສູງຂອງ ຮາມາດສ, ກ່າວຫາທ່ານນາຍົກລັດຖະມົນຕີ ອິດສະຣາແອັນ Benjamin Netanyahu ກີດຂວາງບັນດາຄວາມມານະພະຍາຍາມເພື່ອກ້າວໄປເຖິງຂໍ້ຕົກລົງຢຸດຍິງ ແລະ ແລກປ່ຽນນັກໂທດ. ຮາມາດສ ກ່າວເຕືອນວ່າ ເລື່ອງ ອິດສະຣາແອັນ ເພີ່ມທະວີການບຸກໂຈມຕີບັນດາຕຶກອາຄານສາມັນຊົນຢູ່ເຂດ ກາຊາ ອາດຈະກໍ່ຄວາມອັນຕະລາຍໃຫ້ແກ່ບັນດາຕົວປະກັນຂອງ ອິດສະຣາແອັນ ທີ່ພວມຖືກກັກຂັງຢູ່ທີ່ນີ້.

ໃນວັນດຽວກັນ, ທ່ານນາຍົກລັດຖະມົນຕີ ກາຕາ Sheikh Mohammed bin Abdulrahman Al Thani ໄດ້ຮຽກຮ້ອງໃຫ້ປະຊາຄົມສາກົນລົງໂທດ ອິດສະຣາແອັນ.