 (ທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ກ່າວຄຳເຫັນທີ່ເຫດການ) |
ດ້ວຍຫົວຂໍ້ “ຍົກສູງຄຸນຄ່າຂອງເກືອ ຫວຽດນາມ”, Festival ອາຊີບເຮັດເກືອ ຫວຽດນາມ - ບາກລຽວ ປີ 2025 “ການເດີນທາງ 100 ປີອາຊີບເຮັດເກືອ - ຊີວິດຂອງມະນຸດ” ໄດ້ໄຂຂຶ້ນໃນຕອນຄ່ຳວັນທີ 06 ມີນາ, ຢູ່ສະໜາມຫຼວງ ຮຸ່ງເວືອງ, ນະຄອນ ບາກລຽວ.
ເຂົ້າຮ່ວມ ແລະ ກ່າວຄຳເຫັນທີ່ເຫດການ, ທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ປາດຖະໜາວ່າ, Festival ປີນີ້ ຈະແມ່ນໂອກາດເພື່ອເຊື່ອມຕໍ່ບັນດານັກຜະລິດ, ປຸງແຕ່ງ, ຈຳໜ່າຍບັນດາຜະລິດຕະພັນເຮັດຈາກເກືອ, ມຸ່ງໄປເຖິງການສ້າງບັນດາການຮ່ວມສຳພັນເພື່ອຫັນບັນດາຜະລິດຕະພັນຈາກເກືອເປັນຫຼາຍຮູບຫຼາຍແບບ. ຜ່ານນັ້ນ, ກໍ່ຍົກລະດັບມູນຄ່າຂອງເກືອ ຫວຽດນາມ ເວົ້າລວມ ແລະ ແຂວງ ບາກລ້ຽວ ເວົ້າສະເພາະ.
“Festival ອາຊີບເຮັດເກືອ ຫວຽດນາມ - ບາກລຽວ ປີ 2025 ແມ່ນຈຸດເວລາສ້າງຂີດໝາຍເພື່ອໃຫ້ລັດຖະບານ, ບັນດາກະຊວງ, ຂະແໜງການ, ທ້ອງຖິ່ນ ແລະ ພໍ່ແມ່ປະຊາຊົນທີ່ມີອາຊີບເຮັດເກືອ ພ້ອມກັນມານະພະຍາຍາມເພື່ອນຳເມັດເກືອໃຫ້ອອກໄປໄກກວ່າ, ເພື່ອໃຫ້ອາຊີບເຮັດເກືອ ບໍ່ພຽງແຕ່ແມ່ນມໍລະດົກເທົ່ານັ້ນ, ຫາກຍັງແມ່ນພື້ນຖານເພື່ອພັດທະນາເສດຖະກິດ, ວັດທະນະທຳ, ເພື່ອພ້ອມກັບຂະແໜງເກືອ, ຮ່ວມເດີນທາງພ້ອມກັບປະເທດຊາດກ້າວເຂົ້າສູ່ສັງກາດໃໝ່”.
