 (ພາບ: baoquocte.vn) |
ວັນທີ 16 ເມສາ, ຢູ່ ຮ່າໂນ້ຍ, ມີຜູ້ແທນກວ່າ 600 ທ່ານທີ່ມາຈາກ 40 ປະເທດເຂົ້າຮ່ວມພິທີໄຂກອງປະຊຸມສຸດຍອດເວທີປາໄສຄູ່ຮ່ວມມືເພື່ອການເຕີບໂຕສີຂຽວ ແລະ ເປົ້າໝາຍທົ່ວໂລກ 2030 ຄັ້ງທີ 4 (P4G). ດ້ວຍຫົວຂໍ້: “ການຫັນເປັນສີຂຽວແບບຍືນຍົງ, ຖືມະນຸດເປັນໃຈກາງ”, ໃນ 2 ວັນຈັດກອງປະຊຸມ, ບັນດາຜູ້ແທນຈະເຂົ້າຮ່ວມການເຄື່ອນໄຫວຕ່າງໆ, ຄື: ງານວາງສະແດງກ່ຽວກັບການເຕີບໂຕສີຂຽວ, ວາລະປຶກສາຫາລືຂັ້ນສູງ, ບັນດາວາລະປຶກສາຫາລືຂັ້ນລັດຖະມົນຕີ ສຸມໃສ່ບັນດາຂົງເຂດລະດົມແຫຼ່ງກຳລັງ, ການຫັນປ່ຽນລະບົບທັນຍາຫານ, ບັນດາມາດຕະການແກ້ໄຂນະວັດຕະກຳ, ການຫັນປ່ຽນພະລັງງານຢ່າງມີປະສິດທິຜົນ ແລະ ຍືນຍົງ.
ຄາດວ່າ, ກອງປະຊຸມຈະຮັບຮອງເອົາຖະແຫຼງການ ຮ່າໂນ້ຍ ກ່ຽວກັບການຫັນເປັນສີຂຽວ, ຖືມະນຸດເປັນໃຈກາງ ແລະ ຖະແຫຼງການ P4G ກ່ຽວກັບການຮ່ວມມືກັບບັນດາອົງການຈັດຕັ້ງ, ກົນໄກຫຼາຍຝ່າຍໃນການຫັນເປັນສີຂຽວ ແລະ ການພັດທະນາແບບຍືນຍົງ.
