 ທ່ານຮອງນາຍົກລັດຖະມົນຕີ, ລັດຖະມົນຕີ ການຕ່າງປະເທດ ບຸ່ຍແທັງເຊີນ |
ເມື່ອຕອບສຳພາດຕໍ່ນັກຂ່າວກ່ຽວກັບຄວາມໝາຍ ແລະ ບັນດາໝາກຜົນທີ່ພົ້ນເດັ່ນໃນການປະຕິບັດງານຂອງທ່ານເລຂາທິການໃຫຍ່ ໂຕເລິມ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ໃຫ້ຮູ້ວ່າ ດ້ວຍຫຼາຍກວ່າ 80 ກິດຈະກຳ ທີ່ໄດ້ດຳເນີນພາຍໃນ 8 ວັນ ຢູ່ 4 ປະເທດ, ການປະຕິບັດງານໄດ້ປະກອບສ່ວນຜັນຂະຫຍາຍແນວທາງພົວພັນຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະ ພັດທະນາ; ຫັນການພົວພັນຕ່າງປະເທດເປັນຫຼາຍຮູບຫຼາຍແບບ, ຫຼາຍຝ່າຍ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຢ່າງຮອບດ້ານ, ເລິກເຊິ່ງກວ້າງຂວາງ; ຫວຽດນາມ ແມ່ນເພື່ອນມິດ, ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນສະມາຊິກທີ່ມີຄວາມຮັບຜິດຊອບໃນປະຊາຄົມສາກົນຂອງຄູ່ຮ່ວມມືຍຸດທະສາດກັບ ກາຊັກສະຖານ, ອາແຊກໄບຊານ ແລະ ເບລາຣຸດ; ພ້ອມດຽວກັນນັ້ນ ກໍ່ຮັດແໜ້ນການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານກັບສະຫະພັນ ລັດເຊຍ ຢ່າງເລິກເຊິ່ງກວ່າເກົ່າ. ຫວຽດນາມ ແລະ 4 ປະເທດ ໄດ້ລົງນາມໃນຂໍ້ຕົກລົງຮ່ວມມືປະມານ 60 ສະບັບ ລະຫວ່າງບັນດາກະຊວງ, ຂະແໜງການ, ວິສາຫະກິດໃນຫຼາຍຂົງເຂດ, ປະກອບສ່ວນນຳການພົວພັນລະຫວ່າງ ຫວຽດນາມ ແລະ ບັນດາປະເທດເຂົ້າສູ່ລວງເລິກ, ແທດຈິງ, ມີປະສິດທິຜົນກວ່າ.
ວັນຫຽວ
