ຈຳ​ນວນ​ຜູ້​ເສຍ​ຊີ​ວິດ​ຍ້ອນ​ເຫດ​ແຜ່ນ​ດິນ​ໄຫວ​ຢູ່ ອາບ​ກາ​ນິດ​ສະ​ຖານ​ເພີ່ມ​ຂຶ້ນ​ຢ່າງ​ແຮງ

ຈຳນວນຜູ້ເສຍຊີວິດໃນເຫດແຜ່ນດິນໄຫວທີ່ເກີດຂຶ້ນໃນຕອນຄ່ຳວັນທີ 31 ສິງຫາຢູ່ພາກຕາເວັນອອກ ອາບການິດສະຖານ ໄດ້ເພີ່ມຂຶ້ນ 2.217 ຄົນ, ໃນຂະນະຈຳນວນຜູ້ຖືກບາດເຈັບກໍ່ເພີ່ມຂຶ້ນເກືອບ 4000 ຄົນ. ນີ້ແມ່ນຕົວເລກຫຼ້າສຸດໂດຍອຳນາດການປົກຄອງ ຕາລີບານ ຢູ່ ອາບການິດສະຖານ ປະກາດໃນວັນທີ 4 ກັນຍາ. ຈຳນວນຜູ້ເສຍຊີວິດ ແລະ ຜູ້ຖືກບາດເຈັບສ່ວນຫຼາຍ ຢູ່ບັນດາແຂວງເຂດພູສູງ Kunar. ແລະກໍໃນວັນດຽວກັນ, ອົງການສຳຫຼວດທໍລະນີສາດ ອາເມລິກາ ສືບຕໍ່ຮັບຮູ້ການສັນສະເທືອນຂອງດິນມີຄວາມແຮງ 4,7 ຣິກເຕີ ຢູ່ເຂດຫ່າງຈາກນະຄອນ Jalalabad ເມືອງເອກຂອງແຂວງ Nangarhar ປະມານ 13 ກີໂລແມັດໄປທາງທິດຕາເວັນອອກສ່ຽງເໜືອ.