ວັນທີ 25 ກໍລະກົດ, ຢູ່ສຳນັກງານ ສປຊ ທີ່ນະຄອນ ນິວຢອກ ປະເທດ ອາເມລິກາ, ຈີນ ແລະ ອາເມລິກາ ມີການໂຕ້ຖຽງກັນກ່ຽວຂ້ອງເຖິງສະພາບການປະປະກັນຢູ່ ຢູແກຼນ. ນີ້ແມ່ນໜຶ່ງໃນບັນດາວາລະປະຊຸມທີ່ເກີດຄວາມເຄັ່ງຕຶງທີ່ສຸດຂອງສະພາຄວາມໝັ້ນຄົງ ສປຊ ນັບແຕ່ຕົ້ນປີມາຮອດປະຈຸບັນ.
ກ່າວຄຳເຫັນທີ່ວາລະປະຊຸມ, ທ່ານນາງ Dorothy Shea, ຮັກສາການເອກອັກຄະລັດຖະທູດ ອາເມລິກາ ປະຈຳ ສປຊ ໄດ້ຮຽກຮ້ອງໃຫ້ ຈີນ ຢຸດຕິການສົ່ງອອກບັນດາສິນຄ້າທີ່ສາມາດຮັບໃຊ້ທັງເປົ້າໝາຍພົນລະເຮືອນ ແລະ ການທະຫານ ໃຫ້ແກ່ ລັດເຊຍ.
ຫຼັງຈາກນັ້ນ, ທ່ານຮອງຜູ້ຕາງໜ້າ ຈີນ ປະຈຳ ສປຊ ໄດ້ປະຕິເສດບັນດາຄຳກ່າວຫາຂອງ ອາເມລິກາ ແລະ ຖະແຫຼງວ່າ ຈີນ ບໍ່ແມ່ນຝ່າຍກໍ່ໃຫ້ເກີດວະກິດການ ຢູແກຼນ ກໍ່ຄືບໍ່ໄດ້ໄປນຳຝ່າຍໃດໃນການປະທະກັນ./.
