ໃນສະພາບການປະທະກັນຢູ່ ຕາເວັນອອກກາງ ສືບຕໍ່ເພີ່ມຂຶ້ນ, ວັນທີ 05 ເມສາ, ທ່ານ ວາງອີ, ລັດຖະມົນຕີການຕ່າງປະເທດ ຈີນ ໄດ້ສົນທະນາທາງໂທລະສັບກັບທ່ານ Sergei Lavrov ລັດຖະມົນຕີການຕ່າງປະເທດ ລັດເຊຍ. 2 ຝ່າຍໄດ້ເນັ້ນໜັກວ່າ ໃນຖານະເປັນຜູ້ປະຈຳການສະພາຄວາມໝັ້ນຄົງສະປະຊາຊາດ, ຈີນ ແລະ ລັດເຊຍ ລ້ວນແຕ່ສະແດງໃຫ້ເຫັນຄວາມຍຸຕິທຳ, ພາວະວິໄສໃນບັນດາບັນຫາທີ່ມີລັກສະນະຫຼັກການ.
ຕາມທ່ານລັດຖະມົນຕີ ວາງອີ ແລ້ວ, ໃນສະພາບການປະທະກັນຢູ່ ຕາເວັນອອກກາງ ຍັງບໍ່ທັນມີສັນຍານຫຼຸດລົງນັ້ນ, ມາດຕະການແກ້ໄຂພື້ນຖານສຳລັບບັນຫາຄວາມໝັ້ນຄົງໃນການເດີນເຮືອຢູ່ຊ່ອງແຄບທະເລ Hormuz ແມ່ນຕ້ອງບັນລຸໄດ້ຄຳສັ່ງຢຸດຍິງ ແລະ ຢຸດຕິການປະທະກັນໂດຍໄວ. ທ່ານກໍ່ໃຫ້ຮູ້ວ່າ ປະເທດນີ້ພ້ອມແລ້ວທີ່ຈະສືບຕໍ່ສົມທົບກັບ ລັດເຊຍ ຢູ່ສະພາຄວາມໝັ້ນຄົງສະຫະປະຊາຊາດ, ຮັກສາການແລກປ່ຽນກ່ຽວກັບບັນດາບັນຫາໃຫຍ່ຢ່າງທັນການ, ປະກອບສ່ວນຫຼຸດຜ່ອນຄວາມເຄັ່ງຕຶງ, ປົກປັກຮັກສາສັນຕິພາບ, ສະຖຽນລະພາບຢູ່ພາກພື້ນ ກໍຄືຄວາມໝັ້ນຄົງລວມຂອງທົ່ວໂລກ.
ສ່ວນຝ່າຍ ລັດເຊຍ, ທ່ານລັດຖະມົນຕີການຕ່າງປະເທດ Sergei Lavrov ຢືນຢັນວ່າ ສະພາຄວາມໝັ້ນຄົງສະຫະປະຊາຊາດ ຕ້ອງເສີມຂະຫຍາຍບົດບາດທີ່ມີລັກສະນະສ້າງສັນ ແລະ ລັດເຊຍ ພ້ອມແລ້ວທີ່ຈະສົມທົບກັບ ຈີນ ຢ່າງແໜ້ນແຟ້ນເພື່ອສືບຕໍ່ຊຸກຍູ້ບັນດາຄວາມມານະພະຍາຍາມຢຸດຍິງ.
