ວັນທີ 28 ພຶດສະພາ, ໂຄສົກກະຊວງການຕ່າງປະເທດ ຈີນ, ທ່ານນາງ ໝາວໜິງ ໃຫ້ຮູ້ວ່າ ຈີນ ຮຽກຮ້ອງ ອາເມລິກາ ປົກປ້ອງສິດ ແລະ ຜົນປະໂຫຍດອັນຊອບທຳໃຫ້ນັກສຶກສາສາກົນ, ໃນນັ້ນ ມີນັກສຶກສາ ຈີນ ໃຫ້ຖືກຕ້ອງຕາມກົດໝາຍ.
ຖະແຫຼງການໄດ້ຍົກອອກມາໃນການຖະແຫຼງຂ່າວນັດສາມັນຂອງກະຊວງການຕ່າງປະເທດ ຈີນ ເພື່ອແນໃສ່ຄັດຄ້ານຂໍ້ມູນທີ່ເຜີຍໃຫ້ຮູ້ວ່າ ອາເມລິກາ ຮຽກຮ້ອງສະຖານທູດ ແລະ ສະຖານກົງສູນໃນທົ່ວໂລກຢຸດຕິການອອກວີຊາໃຫ້ແກ່ນັກສຶກສາຕ່າງປະເທດ. ທ່ານນາງ ໝາວໜິງ ເນັ້ນໜັກວ່າ ຈີນ ຍາມໃດກໍຖືວ່າ ບັນດາການເຄື່ອນໄຫວຮ່ວມມືໃນຂົງເຂດການສຶກສາ ແລະ ແລກປ່ຽນວິຊາການເປັນປະຈຳ ບໍ່ຄວນຖືກກີດກັ້ນ ຫຼື ຂາດວັກຂາດຕອນ.
