 ທ່ານນາຍົກລັດຖະມົນຕີ Croatia Andrej Plenkovic ໃນການຖະແຫຼງຂ່າວຢູ່ Zagreb, Croatia. (ພາບເອກະສານ: REUTERS/Antonio Bronic) |
ເມື່ອກ່າວຄຳເຫັນຕໍ່ວົງການນັກຂ່າວໃນວັນທີ 24 ມັງກອນ, ທ່ານນາຍົກລັດຖະມົນຕີ Croatia Andrej Plenkovic ຢັ້ງຢືນວ່າ, ທ່ານໄດ້ຮັບຄຳເຊື້ອເຊີນເຂົ້າຮ່ວມສະພາສັນຕິພາບຈາກທ່ານປະທານາທິບໍດີ ອາເມລິກາ Donald Trump. ຕາມທ່ານແລ້ວ, ສະພາສັນຕິພາບແມ່ນກົນໄກສາກົນໃໝ່ ແນໃສ່ມານະພະຍາຍາມຊຸກຍູ້ສັນຕິພາບ, ການລົງທຶນເສດຖະກິດ ແລະ ແກ້ໄຂການປະທະກັນຢູ່ເຂດ ກາຊາ ກໍຄືບາງພາກພື້ນອື່ນໃນໂລກ. ເຖິງຢ່າງໃດກໍຕາມ, Croatia ຈະພິຈາລະຈາຢ່າງລະມັດລະວັງກ່ອນທີ່ຕັດສິນບັນດາຂັ້ນຕອນຕໍ່ໄປ.
ທ່ານນາຍົກລັດຖະມົນຕີ Andrej Plenkovic ໃຫ້ຮູ້ຕື່ມອີກວ່າ, ຢູ່ຂັ້ນລັດຖະບານ, ທ່ານໄດ້ຮຽກຮ້ອງໃຫ້ກະຊວງການຕ່າງປະເທດ ແລະ ບັນດາບັນຫາເອີຣົບຄົ້ນຄວ້າບັນດາແງ່ມູມນິຕິກຳສາກົນຂອງຂໍ້ລິເລີ່ມນີ້, ສາຍພົວພັນຂອງສະພາສັນຕິພາບເຂດ ກາຊາ ດ້ວຍບັນດາຂອບເຂດທີ່ພວມມີ, ພິເສດແມ່ນຂອງ ສປຊ, ກໍຄືຄວາມເໝາະສົມກັບບັນດາພັນທະຂອງ Croatia ໃນ ອີຢູ. ພາຍຫຼັງສຳເລັດວິວັດທະນາການພິຈາລະນາ, ລັດຖະບານຈະລາຍງານຕໍ່ປະທານາທິບໍດີ ແລະ ດຳເນີນບັນດາການປຶກສາຫາລືກ່ຽວກັບກໍລະນີCroatia ເຂົ້າຮ່ວມອົງການນີ້.
ນັກ ຂ່າວ VOV ປະ ຈຳ ເຊັກ ໂກ
