 ທ່ານ Lars Lokke Rasmussen ລັດຖະມົນຕີກະຊວງການຕ່າງປະເທດ ແດນມາກ (ພາບເອກະສານ: REUTERS/Ints Kalnins)
|
ທ່ານລັດຖະມົນຕີການຕ່າງປະເທດ Rasmussen ເນັ້ນໜັກວ່າ ບັນຍາກາດການເຈລະຈາແມ່ນ “ຕັ້ງໜ້າ” ແລະ “ມີລັກສະນະສ້າງສັນ”, ແມ່ນບາດກ້າວສຳຄັນ ແນໃສ່ນຳສາຍພົວພັນກັບຄືນສູ່ຄວາມເປັນປົກກະຕິພາຍຫຼັງທີ່ຄວາມເຄັ່ງຕຶງເພີ່ມຂຶ້ນໃນອາທິດກ່ອນ. ເຖິງວ່າບັນດາບັນຫາແກ່ນສານຍັງບໍ່ໄດ້ຮັບການແກ້ໄຂຢ່າງຂາດຂັ້ນ, ແຕ່ເລື່ອງສອງຝ່າຍຂຶ້ນແຜນການໃຫ້ແກ່ກອງປະຊຸມຄັ້ງຕໍ່ໄປ ໄດ້ຮັບຖືວ່າແມ່ນສັນຍານຫຼຸດຜ່ອນວິກິດການຢ່າງເລິກເຊິ່ງທີ່ສຸດ ໃນສຳພັນທະມິດຂ້າມອັດລັງຕິກ ໃນຊຸມປີມໍ່ໆມານີ້.
ເຖິງຢ່າງໃດກໍຕາມ, ໃນບົດກ່າວຄຳເຫັນໃນວັນດຽວກັນ, ທ່ານນາຍົກລັດຖະມົນຕີ ແດນມາກ Mette Frederiksen ໄດ້ປະຕິເສດຖະແຫຼງການຂອງທ່ານ Donald Trump ປະທານາທິບໍດີ ອາເມລິກາ ກ່ຽວກັບເລື່ອງ ວໍຊິງຕັນ ບັນລຸໄດ້ຂອບຂໍ້ຕົກລົງກັບອົງການສົນທິສັນຍາອັດລັງຕິກເໜືອ (NATO) ກ່ຽວຂ້ອງເຖິງບັນຫາ Greenland.
