 ຮ່າໂນ້ຍໄດ້ຮັບການປະດັບປະດາຢ່າງງາມຕາໃນຊຸມວັນດຳເນີນກອງປະຊຸມໃຫຍ່ຄັ້ງທີ XIV ຂອງພັກ |
ບັນດາຜູ້ຟັງໄດ້ໃຫ້ຄວາມສົນໃຈເປັນພິເສດເຖິງບັນດາການກຳນົດທິດໃຫຍ່ ກໍຄືຖັນແຖວການນຳໃໝ່ຂອງ ຫວຽດນາມ. ຈາກເທດສະບານເມືອງ L`Isle – Adam, ຫ່າງຈາກນະຄອນຫຼວງ ປາຣີ ປະມານ 20 ກິໂລແມັດ, ເພື່ອນ Paul Jamet ໄດ້ແບ່ງປັນວ່າ:
“ຂ້າພະເຈົ້າຫວັງຢ່າງຍິ່ງວ່າ ຫວຽດນາມ ຈະສ້າງແນວທາງການຊີ້ນຳນຳພາຢ່າງຈະແຈ້ງ ແລະ ມີສະຖຽນລະພາບ, ສ້າງເງື່ອນໄຂສະດວກໃຫ້ແກ່ການພັດທະນາຂອງ ຫວຽດນາມ. ຂ້າພະເຈົ້າຫວັງວ່າ ຖັນແຖວການນຳໃໝ່ຈະຫັນບັນດາຂໍ້ຕົກລົງຂອງກອງປະຊຸມໃຫຍ່ໃຫ້ປະກົດຜົນເປັນຈິງ, ດ້ວຍຄວາມໄວ້ວາງໃຈ, ຈິດໃຈຄວາມຮັບຜິດຊອບສູງ, ມີຄວາມຊື່ກົງບໍລິສຸດເພື່ອຜົນປະໂຫຍດແຫ່ງຊາດ ແລະ ວິໄສທັດໃຫ້ແກ່ອະນາຄົດຂອງຄົນລຸ້ນໜຸ່ມ”.
 ເພື່ອນ Paul Jamet (ຜູ້ທຳອິດໃນແຖວທຳອິດຢູ່ທາງເບື້ອງຊ້າຍມື) ພ້ອມກັບບັນດາສະມາຊິກໃນສະໂມສອນຟັງລາຍການວິທະຍຸ Perche (ພາບ: Radio Club du Perche) |
ໂດຍສົນໃຈເຖິງບັນດາການກຳນົດທິດຍຸທດສະສາດຂອງກອງປະຊຸມໃຫຍ່ຄັ້ງທີ XIV, ເພື່ອນໜຸ່ມ Raphaël Voydis ຢູ່ນະຄອນ Dax, ເຂດຕາເວັນຕົກສ່ຽງໃຕ້ປະເທດ ຝລັ່ງ ຖືວ່າ: ກອງປະຊຸມໃຫຍ່ຄັ້ງທີ XIV ມີຄວາມໝາຍສຳຄັນທີ່ສຸດໃນການຊຸກຍູ້ການພັດທະນາຂອງ ຫວຽດນາມ ໃນຫຼາຍຂົງເຂດ, ເຊັ່ນ: ການທ່ອງທ່ຽວ, ອຸດສາຫະກຳ ແລະ ການຄ້າ. ໃນຂົງເຂດການທ່ອງທ່ຽວ, ຕ້ອງສືບຕໍ່ໂຄສະນາຄຸນຄ່າວັດທະນະທຳ, ຄວາມງາມຂອງປະເທດຊາດ ແລະ ຄວາມຮັກແພງແຂກຄົນຂອງປະຊາຊົນ ຫວຽດນາມ ເພື່ອດຶງດູດແຂກທ່ອງທ່ຽວຫຼາຍກວ່າອີກ.
ທີລວານ
