 ໂຮງງານໄຟຟ້ານິວເຄຼຍ Zaporizhzhia (ພາບ: THX/TTXVN) |
ວັນທີ 15 ພຶດສະພາ, ທີ່ກອງປະຊຸມນັດສາມັນ ແລະ ເວທີປາໄສວິສາຫະກິດປີ 2025 ທີ່ໄດ້ດຳເນີນຢູ່ລອນດອນ (ອັງກິດ), ທະນາຄານການຟື້ນຟູ ແລະ ພັດທະນາ ເອີລົບ (EBRD) ໄດ້ປະກາດ ບັນດາຂໍ້ລິເລີ່ມໜູນຊ່ວຍໃໝ່ໃຫ້ແກ່ ຢູແກຼນທີ່ມີມູນຄ່າ 70 ລ້ານ euro (78,5 ລ້ານ USD). ບ້ວງເງິນອຸປະຖຳນີ້ແມ່ນເພື່ອແນໃສ່ເພີ່ມທະວີຄວາມໝັ້ນຄົງດ້ານພະລັງງານໃຫ້ແກ່ບັນດາວິສາຫະກິດ ແລະ ຄອບຄົວດຳເນີນທຸລະກິດ ຢູແກຼນດ້ວຍການໜູນຊ່ວຍລົງທຶນເຂົ້າການຜະລິດພະລັງງານ, ເກັບຮັກສາ ແລະ ຍົກລະດັບປະສິດທິຜົນ. EBRD ກໍ່ປະກາດບ້ວງເງິນກູ້ຢືມດ່ວນ 10 ລ້ານ euro ໃຫ້ແກ່ນະຄອນ Lviv, ເພື່ອແນໃສ່ຊ່ວຍຮັກສາບັນດາການບໍລິການສາທາລະນະທີ່ຈຳເປັນຢູ່ທີ່ນີ້.
