 ພາບປະກອບ: VOV |
ກ່ອນການໂຮມແຂວງ, ອຳນາດການປົກຄອງທ້ອງຖິ່ນສອງຂັ້ນເຂົ້າສູ່ການເຄື່ອນໄຫວ, ໂຄງການລົບລ້າງເຮືອນຢູ່ຊົ່ວຄາວ, ເຮືອນຮົ່ວເພຢູ່ແຂວງ ຢາລາຍພວມໄດ້ຮັບການປະຕິບັດສຳເລັດ ດ້ວຍເຮືອນປະມານ 8000 ຫຼັງໄດ້ຮັບການກໍ່ສ້າງ, ສ້ອງແປງ ແລະ ມອບໃຫ້ປະຊາຊົນ, ທຽບເທົ່າກັບ 99,88%ແຜນການ.
ຄາດວ່າໃນຊຸມວັນຕົ້ນເດືອນກໍລະກົດ 2025, ແຂວງຢາລາຍຈະປະຕິບັດສຳເລັດໂຄງການລົບລ້າງເຮືອນຢູ່ຊົ່ວຄາວ, ເຮືອນຮົ່ວເພ, ໄວກ່ວາ ກຳນົດເວລາຕາມແຜນການແມ່ນ 2 ເດືອນ. ທ່ານ ຣາລານ ຈຸງ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ຢາລາຍ ໃຫ້ຮູ້ວ່າ:
ນີ້ແມ່ນໂຄງການທີ່ມີຄວາມໝາຍວັດທະນະທຳມະນຸດຢ່າງເລິກເຊິ່ງ. ນັ້ນແມ່ນສຸມໃສ່ເອົາໃຈໃສ່ເບິ່ງແຍງດູແລໃຫ້ແກ່ບັນດາເປົ້າໝາຍທຸກຍາກ, ເປົ້າໝາຍນະໂຍບາຍ ແລະ ຜູ້ມີຄວາມສ່ຽງສູງໃນບໍລິເວນທົ່ວແຂວງ. ໂຄງການໄດ້ດຶງດູດການເຂົ້າຮ່ວມຂອງທົ່ວລະບົບການເມືອງ, ທຸກຂັ້ນ, ທຸກຂະແໜງການ, ກຳລັງປະກອບອາວຸດ ແລະ ປະຊາຊົນ. ດັ່ງນັ້ນ, ທາງແຂວງຢາລາຍໄດ້ດັດປັບ ແລະ ຫຼຸດ ເວລາລົງເພື່ອ ຢັ້ງຢືນປະຕິບັດສຳເລັດໂຄງການລົບລ້າງເຮືອນຢູ່ຊົ່ວຄາວ, ເຮືອນຮົ່ວເພ ໃນບໍລິເວນແຂວງ ຢາລາຍ.
