ໃນບົດຂຽນ, ທ່ານເລຂາທິການໃຫຍ່ ໂຕເລິມ ຢັ້ງຢືນ: ພາລະກິດປະຕິວັດອັນຍິ່ງໃຫຍ່ຂອງປະທານໂຮ່ຈິມິນ ໄດ້ປະໄວ້ມໍລະດົກອັນລ້ຳຄ່າ. ເພີ່ນບໍ່ພຽງແຕ່ແມ່ນຜູ້ນຳຍິ່ງໃຫຍ່ໃນພາລະກິດປົດປ່ອຍຊາດຫວຽດນາມ ເທົ່ານັ້ນ ຫາກຍັງຕັ້ງພື້ນຖານອັນໝັ້ນແກ່ນໃຫ້ແກ່ອະນາຄົດຂອງປະເທດຊາດດ້ວຍແນວຄິດ ແລະ ແບບຢ່າງຄຸນສົມບັດອັນສູງສົ່ງ. ແນວຄິດແກ່ນສານຂອງປະທານໂຮ່ຈິນແມ່ນຄວາມຄາດຫວັງປະເທດຊາດ ເອກະລາດຕິດພັນກັບລັດທິສັງຄົມນິຍົມ ເພື່ອເປົ້າໝາຍສຸດທ້າຍແມ່ນນຳເອົາຄວາມເສລີພາບ, ຄວາມອີ່ມໜຳສຳລານ ຄວາມຜາສຸກມາໃຫ້ປະຊາຊົນ.
ທ່ານເລຂາທິການໃຫຍ່ ໂຕເລິມ ເນັ້ນຫນັກວ່າ ບໍ່ພຽງແຕ່ຊາດ ຫວຽດນາມ ຫາກປະຊາຊົນຮັກຫອມສັນຕິພາບ ແລະ ກ້າວຫນ້າໃນໂລກ ກໍ່ສະແດງຄວາມເຄົາລົບນັບຖື ແລະ ຈົດຈຳ ປະທານໂຮ່ຈິມິນຄືດັ່ງສັນຍາລັກຂອງສັນຕິພາບ, ເສລີພາບ ແລະ ການປົດປ່ອຍຊາດ. ແນວຄິດຂອງເພິ່ນ ໄດ້ປະກອບສ່ວນຊຸກຍູ້ບັນດາຂະບວນການຕໍ່ສູ້ຕ້ານພວມລ່າເມືອງຂຶ້ນ, ຈັກກະພັດໃນທົ່ວໂລກ ພ້ອມທັງແຜ່ຂະຫຍາຍບັນດານໃຈໃຫ້ແກ່ພາລະກິດແຫ່ງການສ້າງໂລກຍຸຕິທຳ ແລະ ມະນຸດສາດກວ່າ.
ທ່ານເລຂາທິການໃຫຍ່ ໂຕເລີມ ຢັ້ງຢືນ: ກວ່າເຄິ່ງສັດຕະວັດຜ່ານໄປ ນັບແຕ່ເມື່ອທ່ານປະທານໂຮ່ຈິມິນ ຫ່າງຈາກພວກເຮົາ ແຕ່ແນວຄິດ ແລະ ແບບຢ່າງຂອງເພິ່ນ ຍັງຄົງສືບຕໍ່ເຍືອງທາງ, ນຳຊາດ ຫວຽດນາມ ບັນລຸໄດ້ຫລາຍຜົນງານອັນຍິ່ງໃຫຍ່, ມີຄວາມໝາຍປະຫວັດສາດ. ແນວຄິດ ຄຸນສົມບັດ ແລະ ແບບແຜນການດຳລົງຊີວິດຂອງປະທານໂຮ່ຈິມິນ ບໍ່ພຽງແຕ່ເຍືອງທາງຢ່າງໃສແຈ້ງໃຫ້ໄລຍະຜ່ານມາ ຫາກຍັງກະຈ່າຍແຈ້ງຄືດັ່ງແຫລ່ງບັນດານໃຈບໍ່ສິ້ນສຸດໃຫ້ແກ່ປະຈຸບັນ ແລະ ອະນາຄົດ. ບັນດາຍຸດທະສາດ, ການວາງແຜນກຳນົດພັດທະນາເສດຖະກິດ ສັງຄົມຮອດປີ 2030, ວິໄສທັດຮອດປີ 2045 ລ້ວນແຕ່ຖືເປົ້າໝາຍ “ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ”ເປັນຈຸດສຸມ. ນີ້ກໍ່ແມ່ນຄວາມມຸ່ງຫວັງຂອງເພິ່ນໃນຄາວຍັງມີຊີວິດຢູ່ ກ່ຽວກັບປະເທດ ຫວຽດນາມ ສັນຕິພາບ, ເອກະພາບ ວັດທະນາຖາວອນຈະເລີນຮຸ່ງເຮືອງ.
