 ໄຟໄໝ້ປ່າຢູ່ Pennes-Mirabeau, ແຂວງ Bouches-du-Rhône, ຝລັ່ງ (ພາບ: France Bleu) |
ຕອນຄ່ຳວັນທີ 8 ກໍລະກົດ, ເຈົ້າໜ້າທີ່ ຝລັ່ງ ຫຼາຍຄົນໃຫ້ຮູ້ວ່າ ໄດ້ຮັບຮູ້ມີໄຟໄໝ້ເກີດຂຶ້ນຢູ່ຕາແສງ Pennes – Mirabeau, ພາກໃຕ້ປະເທດ ຝລັ່ງ ຢ່າງໜັກໜ່ວງ. ໄຟໄໝ້ລາມປ່າກວ່າ 730 ເຮັກຕາ ແລະ ແຜ່ລາມອອກສູ່ວົງກວ້າງໃກ້ນະຄອນ Marseille, ນະຄອນໃຫຍ່ອັນດັບທີ 2 ຂອງປະເທດນີ້. ສາຍເຫດໃນເບື້ອງຕົ້ນແມ່ນເລີ່ມມາຈາກເຫດໄຟໄໝ້ລົດໂອໂຕ.
ປະເທດນີ້ໄດ້ລະດົມກຳລັງທະຫານດັບເພີງກວ່າ 1000 ຄົນ ພ້ອມດ້ວຍເຮືອບິນ ແລະ ຍົນເອລີກອັບເຕີ ໄດ້ສີດນ້ຳລົງໃສ່ບ່ອນເກີດເຫດ ຈຳນວນເກືອບ 400 ໂຕ່ນ ເພື່ອດັບເພີງ. ທ່ານລັດຖະມົນຕີກະຊວງພາຍໃນ ຝລັ່ງ Bruno Retailleau ໃຫ້ຮູ້ວ່າ:
“ພວກຂ້າພະເຈົ້າຕ້ອງປະເຊີນໜ້າກັບເຫດໄຟໄໝ້ແຜ່ລາມຢ່າງວ່ອງໄວ ແລະ ອັນຕະລາຍທີ່ສຸດ. ວຽກງານດັບເພີງພວມສືບຕໍ່ໄດ້ດຳເນີນຕະຫຼອດຄືນ ດ້ວຍບັນດາຄະນະລຳລຽງ ແລະ ຫຼາຍແຫຼ່ງກຳລັງກໍພວມໄດ້ຮັບການຜັນຂະຫຍາຍ”.
ມີປະຊາຊົນກວ່າ 450 ຄົນ ຈຳເປັນຕ້ອງຍົກຍ້າຍໄປຍັງບ່ອນປອດໄພ ແລະ ມີຜູ້ຖືກບາດເຈັບເບົ່າ 110 ຄົນ.
ກໍໃນວັນດຽວກັນ, ຢູ່ຕາແສງ Castelnau-de-Guers, ແຂວງ Hérault ກໍເກີດໄຟໄໝ້ຢ່າງໜັກໜ່ວງ ແຕ່ຄວບຄຸມໄດ້ແລ້ວ. ກຳລັງດັບເພີງ ໃຫ້ຮູ້ວ່າ ໄຟໄໝ້ຕິເຫດນີ້ໄດ້ເຮັດໃຫ້ເນື້ອທີ່ປ່າກວ່າ 700 ເຮັດຕາຖືກຈູດເຜົາ, ສົ່ງຜົນກະທົບຢ່າງໜັກໜ່ວງເຖິງບັນດາສວນປູກອາງຸນ ທີ່ພວມຮອດລະດູເກັບກ່ຽວ.
ນັກຂ່າວ VOV ປະຈຳ ຝລັ່ງ
