 ບັນດາຜູ້ແທນເຂົ້າຮ່ວມການພົບປະ(ພາບ: VOV) |
ທີ່ການພົບປະ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເນັ້ນໜັກວ່າ ແອັດໂຕະເນຍ ແມ່ນຮູບແບບກ່ຽວກັບນະວັດຕະກຳ, ລັດຖະບານເອເລັກໂຕນິກ, ເສດຖະກິດດີຈີຕອນ, ສັງຄົມດີຈີຕອນ, ພົນລະເມືອງດີຈີຕອນ ເຊິ່ງ ຫວຽດນາມປາດຖະໜາຢາກກຮ່ຳຮຽນ ເອົາບົດຮຽນປະສົບການ. ກ່ຽວກັບການຮ່ວມມືທາງການຄ້າ - ການລົງທຶນ, ທ່ານນາຍົກລັດຖະມົນຕີ ຢັ້ງຢືນ ຫວຽດນາມ ພ້ອມແລ້ວທີ່ຈະສ້າງເງື່ອນໄຂສະດວກໃຫ້ແກ່ບັນດາວິສາຫະກິດ ແອັດໂຕເນຍ ມາລົງທຶນຢູ່ ຫວຽດນາມ. ກ່ຽວກັບບັນດາຂົງເຂດຮ່ວມມືອື່ນ, ທ່ານນາຍົກລັດຖະມົນຕີ ສະເໜີສອງຝ່າຍສ້າງກຸ່ມສະມາຊິກລັດຖະສະພາໂດຍໄວເພື່ອແນໃສ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ແລະ ຄວາມເຂົ້າໃຈເຊິ່ງກັນແລະກັນ; ທ່ານສະເໜີສະພາແຫ່ງຊາດ ແອັດໂຕເນຍ ສະໜັບສະໜູນ ແລະ ຊຸກຍູ້ເພື່ອໃຫ້ສອງຝ່າຍສ້າງຄະນະກຳມະການປະສົມ ຫວຽດນາມ - ແອັດໂຕເນຍ ກ່ຽວກັບການຮ່ວມມືເສດຖະກິດ, ວິທະຍາສາດເຕັກໂນໂລຢີ ແລະ ນະວັດຕະກຳໂດຍໄວ.
 ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານປະທານສະພາແຫ່ງຊາດ ແອັດໂຕເນຍ Lauri Hussar (ພາບ: VOV) |
ສ່ວນທ່ານປະທານສະພາແຫ່ງຊາດ Lauri Hussar ຢັ້ງຢືນ ຫວຽດນາມ ແມ່ນໜຶ່ງໃນບັນດາຄູ່ຮ່ວມມືສຳຄັນຂອງ ແອັດໂຕເນຍຢູ່ພາກພື້ນອາຊີຕາເວັນອອກສ່ຽງໃຕ້, ທ່ານເຊື່ອໝັ້ນວ່າ ບົດບາດເປັນຂົວເຊື່ອມຕໍ່ຂອງ ຫວຽດນາມ ແລະ ແອັດໂຕເນຍ ກໍ່ຄືການພົວພັນອັນດີງາມລະຫວ່າງສອງປະເທດຈະເພີ່ມກຳລັງແຮງໃຫ້ແກ່ການພົວພັນຮ່ວມມື EU - ອາຊຽນ ໃນໄລຍະຈະມາເຖິງ.
ເມື່ອແລກປ່ຽນກ່ຽວກັບບັນຫາຢູ່ທະເລຕາເວັນອອກ, ສອງຝ່າຍໄດ້ຢັ້ງຢືນຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມເສລີໃນການເດີນເຮືອ, ການບິນຢູ່ທະເລຕາເວັນອອກ ບົນພື້ນຖານເຄົາລົບຜົນປະໂຫຍດຂອງບັນດາປະເທດແຄມທະເລ ສອດຄ່ອງກັບກົດໝາຍສາກົນ, ເປັນຕົ້ນແມ່ນສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982(UNCLOS 1982), ແກ້ໄຂການຂັດແຍ້ງກັນໂດຍສັນຕິວິທີ ບົນພື້ນຖານເຄົາລົບກົດໝາຍສາກົນ, ບໍ່ນຳໃຊ້ ຫຼືນາບຂູ່ນຳໃຊ້ອາວຸດ.
