 (ທີ່ກອງປະຊຸມສຳມະນາ) |
“ເພີ່ມທະວີການເຂົ້າຮ່ວມຂອງຕຳຫຼວດຍິງໃນການເຄື່ອນໄຫວຮັກສາສັນຕິພາບ ສປຊ - ບົດຮຽນຂອງສາກົນ ແລະ ຫວຽດນາມ” ແມ່ນຫົວຂໍ້ຂອງກອງປະຊຸມສຳມະນາສາກົນ ໂດຍກະຊວງຕຳຫຼວດ ຫວຽດນາມ ສົມທົບກັບອົງການສະຫະປະຊາຊາດກ່ຽວກັບຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງ (UN Women) ຈັດຂຶ້ນໃນວັນທີ 12 ມິຖຸນາ, ຢູ່ ຮ່າໂນ້ຍ.
ກ່າວຄຳເຫັນຢູ່ທີ່ນີ້, ທ່ານພົນໂທ ເລກວັກຮຸ່ງ, ຮອງລັດຖະມົນຕີກະຊວງຕຳຫຼວດ ຫວຽດນາມ ໃຫ້ຮູ້ວ່າ, ໃນໄລຍະຜ່ານມາ, ລັດຖະບານ ຫວຽດນາມ ເວົ້າລວມ ແລະ ກະຊວງຕຳຫຼວດເວົ້າສະເພາະ ໄດ້ມີຄຳໝັ້ນສັນຍາຢ່າງແຮງໃນການເຂົ້າຮ່ວມບັນດາການເຄື່ອນໄຫວຮັກສາສັນຕິພາບສະຫະປະຊາຊາດ. ອັດຕາແມ່ຍິງຂອງກະຊວງຕຳຫຼວດເຂົ້າຮ່ວມວຽກງານດັ່ງກ່າວແມ່ນ 33,3%, ສູງກວ່າເມື່ອທຽບໃສ່ເປົ້າໝາຍຂອງສະຫະປະຊາຊາດເຊິ່ງແມ່ນ 20%.
ສ່ວນທ່ານຮອງເລຂາທິການໃຫຍ່ສະຫະປະຊາຊາດ Jean-Pierre Lacroix ໄດ້ຕີລາຄາສູງການສະໜັບສະໜູນຂອງ ຫວຽດນາມ ຕໍ່ບັນດາການເຄື່ອນໄຫວຮັກສາສັນຕິພາບ, ກໍຄືຄຳໝັ້ນສັນຍາຂອງ ຫວຽດນາມ ໃນການຊຸກຍູ້ເປົ້າໝາຍເພີ່ມທະວີການເຂົ້າຮ່ວມຂອງແມ່ຍິງ, ພິເສດແມ່ນຕຳຫຼວດຍິງໃນກຳລັງຮັກສາສັນຕິພາບ.
