 ເຂດສະສົມອາຍແກັດທຳມະຊາດ ຢູ່ Zsana, ຮຸງກາຣີ (ພາບ: THX/TTXVN) |
ວັນທີ 24 ມິຖຸນາ, ລັດຖະສະພາ ເອີຣົບ ແລະ ບັນດາປະເທດສະມາຊິກ ສະຫະພາບເອີຣົບ (EU) ບັນລຸໄດ້ຂໍ້ຕົກລົງຕໍ່ກຳນົດເວລາຂໍ້ກຳນົດຮຽກຮ້ອງບັນດາປະເທດສະມາຊິກຮັກສາສາງສະສົມອາຍແກັດໃຫ້ຢູ່ໃນລະດັບ 90% ກ່ອນຈະຮອດລະດູໜາວ. ມາດຕະການນີ້ ໄດ້ຍົກອອກມາ ເພື່ອແນໃສ່ສະກັດກັ້ນຄວາມສ່ຽງຂາດແຄນແຫຼ່ງພະລັງງານພາຍຫຼັງການປະທະກັນລະຫວ່າງ ລັດເຊຍ - ຢູແກຼນ ເກີດຂຶ້ນ.
ຕາມແຈ້ງການຂອງສະພາ EU - ເຊິ່ງເປັນອົງການຕາງໜ້າໃຫ້ແກ່ລັດຖະບານ 27 ປະເທດສະມາຊິກແລ້ວ, ຂໍ້ຕົກລົງໃນເບື້ອງຕົ້ນ ຈະແກ່ຍາວຜົນສັກສິດຂອງຂໍ້ກຳນົດເຫຼົ່ານັ້ນຮອດທ້າຍປີ 2027.
ຕາມຄະນະກຳມະການເອີຣົບ, ບັນດາສາງສະສົມອາຍແກັດໃນປັດຈຸບັນ ພຽງແຕ່ຕອບສະໜອງໄດ້ປະມານ 30% ລະດັບການຈຳໜ່າຍອາຍແກັດຂອງກຸ່ມໃນລະດູໜາວເທົ່ານັ້ນ.
