 ພາບປະກອບ: REUTERS |
ວັນທີ 19 ພະຈິກ, ຄະນະກຳມະການເອີລົບ (EC) ໄດ້ປະກາດຂໍ້ລິເລີ່ມ “Schengen ການທະຫານ” ເພື່ອແນໃສ່ປັບປຸງຢ່າງເຖິງຖອງດ້ານ ຄວາມໄວໃນການເດີນທາງຂອງນັກຮົບ ແລະ ວັດຖຸອຸປະກອນການທະຫານຜ່ານເຂດຊາຍແດນຂອງບັນດາປະເທດສະມາຊິກ ສະຫະພາບ ເອີລົບ (EU). ຕາມຂໍ້ສະເໜີແລ້ວ, ບັນດາປະເທດສະມາຊິກມີພຽງແຕ່ 3 ວັນເພື່ອ ອອກໃບອະນຸຍາດຜ່ານແດນໃນໄລຍະສັນຕິພາບ ແລະ 6 ເວລາໃນກໍລະນີສຸກເສີນ, ຫຼຸດເວລາລົງຫຼາຍພໍສົມຄວນ ເມື່ອທຽບໃສ່ກັບສະພາບການປັດຈຸບັນ ເຊິ່ງການເດີນທາງຂ້າມຊາຍແດນອາດຈະແກ່ຍາວເວລາເປັນເດືອນ. ແຜນການນີ້, ແມ່ນສ່ວນໜຶ່ງຂອງບ້ວງ Military Mobility ເຊິ່ງຈະສະເໜີໃນອາທິດນີ້ ແລະ ແມ່ນບາດກ້າວເດີນໃໝ່ສຸດໃນຄວາມມານະພະຍາຍາມ ຍົກສູງຄວາມສາມາດໃນການປ້ອງກັນຊາດຂອງ EU ໃນທົດສະວັດນີ້. ຂໍ້ລິເລີ່ມຍັງລວມມີລະບົບປະຕິກິລະຍາໄວລະດັບເອີລົບ, ວາດພາບຈຳລອງຕາມກົນໄກປົກປ້ອງພົນລະເຮືອນ EU. ບັນດາປະເທດສະມາຊິກຈະປະກອບສ່ວນບັນດາພາຫະນະຂົນສົ່ງຄື ຕູ້ລົດໄຟ, ເຮືອບັກ ແລະ ເຮືອບິນຍຸດທະສາດຜ່ານກອງທຶນສາມັກຄີເຄື່ອນທີ່ການທະຫານ.
