ຝລັ່ງ ມີນາຍົກລັດຖະມົນຕີ ຄົນໃໝ່

(VOVWORLD) - ວັນທີ 9 ກັນຍາ, ທ່ານ Emmamnuel Macron ປະທານາທິບໍດີ ຝລັ່ງ ໄດ້ແຕ່ງຕັ້ງທ່ານ Sebastien Lecornu ລັດຖະມົນຕີກະຊວງປ້ອງກັນປະເທດ ເປັນນາຍົກລັດຖະມົນຕີຄົນໃໝ່ຂອງປະເທດນີ້, ໃນສະພາບວິກິດການດ້ານການເມືອງ ພວມນັບມື້ນັບຮ້າຍແຮງຢູ່ພື້ນຖານເສດຖະກິດໃຫຍ່ອັນດັບທີ 2 ຢູ່ ເອີຣົບ ນີ້.

ເປັນອັນວ່າ, ທ່ານ Sebastien Lecornu, ອາຍຸ 39 ປີ, ໄດ້ກາຍເປັນນາຍົກລັດຖະມົນຕີຜູ້ທີ 7 ພາຍໃຕ້ອຳນາດການປົກຄອງຂອງທ່ານປະທານາທິບໍດີ Emmanuel Macron ແລະ ເປັນນາຍົກລັດຖະມົນຕີຜູ້ທີ 5 ນັບແຕ່ເມື່ອທ່ານ Macron ເລີ່ມດຳເນີນອາຍຸການປະທານາທິບໍດີເທື່ອທີ 2.

ໂດຍເກີດປີ 1986, ທ່ານ Lecornu ແມ່ນນັກການເມືອງໜຸ່ມ ດ້ວຍປະສົບການດ້ານການເມືອງຫຼາຍພໍສົມຄວນ; ທ່ານໄດ້ຮັບດຳລົງຕຳແໜ່ງເປັນເຈົ້າຄອງນະຄອນເມື່ອອາຍຸຫາກໍ່ 28 ປີ, ຫຼັງຈາກນັ້ນ ກໍຮັບດຳລົງຕຳແໜ່ງເປັນປະທານສະພາແຂວງ Eure ເມື່ອອາຍຸ 29 ປີ ແລະ ກາຍເປັນລັດຖະມົນຕີເມື່ອອາຍຸ 31 ປີ.

ທ່ານປະທານາທິບໍດີ ຝລັ່ງ ໄດ້ມອບໝາຍໜ້າທີ່ໃຫ້ ນາຍົກລັດຖະມົນຕີ ຄົນໃໝພົບປະບັນດາພັກການເມືອງ ແລະ ສ້າງຕັ້ງລັດຖະບານໃໝ່ໃນຊຸມວັນຈະມາເຖິງ.

ແອັງຕວັນ, ນັກຂ່າວ VOV ປະຈຳ ປາຣີ