 ການຂົນສົ່ງເຂົ້າສານຢູ່ນະຄອນຫຼວງ Manila, ຟີລິບປິນ (ພາບ: AFP/TTXVN) |
ຕໍ່ໜ້າສະພາວະລາຄາເຂົ້າສານພາຍໃນປະເທດເພີ່ມຂຶ້ນສູງແບບຜິດປົກກະຕິ, ທ່ານລັດຖະມົນຕີກະຊວງກະສິກຳ ຟີລິບປິນ, Francisco Tiu Laurel ໄດ້ປະກາດໃຊ້ສະພາວະສຸກເສີນກ່ຽວກັບຄວາມໝັ້ນຄົງດ້ານສະບຽງອາຫານສຳລັບເຂົ້າສານ ເພື່ອແນໃສ່ຄວບຄຸມລາຄາ ແລະ ຮັບປະກັນແຫຼ່ງສະໜອງໃຫ້ແກ່ປະຊາຊົນ.
ຕາມກົດໝາຍວ່າດ້ວຍພາສີອາກອນສຳລັບເຂົ້າສານແລ້ວ, ລັດຖະມົນຕີກະຊວງກະສິກຳ ມີສິດປະກາດສະພາວະສຸກເສີນກ່ຽວກັບຄວາມໝັ້ນຄົງດ້ານສະບຽງອາຫານ ເມື່ອລາຄາເຂົ້າສານເພີ່ມຂຶ້ນສູງແບບຜິດປົກກະຕິ, ອະນຸຍາດໃຫ້ NFA ແຊກແຊງດ້ວຍວິທີສະໜອງເຂົ້າສານແຮສາງໃຫ້ແກ່ບັນດາກົມກອງລັດຖະບານ ແລະ ອຳນາດການປົກຄອງທ້ອງຖິ່ນຕ່າງໆ ເພື່ອແນໃສ່ຫຼຸດລາຄາ ແລະ ປົກປ້ອງຜູ້ບໍລິໂພກ.
