 ພະນັກງານກູ້ໄພກູ້ຊີບເຮັດວຽກຢູ່ບ່ອນເກີດເຫດ (ພາບ: REUTERS/Phil Noble) |
ຕຳຫຼວດ ອັງກິດ ແຈ້ງໃຫ້ຊາບວ່າ ຜູ້ຖືກສົງໄສກໍ່ເຫດບຸກໂຈມຕີກໍ່ການຮ້າຍຢູ່ ໂບດຊາວຢິວ ທີ່ນະຄອນ Manchester ເຮັດໃຫ້ມີຜູ້ເສຍຊີວິດ 2 ຄົນ ແລະ ຖືກບາດເຈັບ 3 ຄົນ ໃນວັນທີ 02 ຕຸລານັ້ນ ແມ່ນ ທ້າວ Jihad Al-Shamie, ອາຍຸ 35 ປີ, ເປັນພົນລະເມືອງ ອັງກິດ ເຊື້ອຊາດ ຊີຣີ. ພາຍຫຼັງເກີດເຫດໄດ້ 2 – 3 ນາທີ, ຕຳຫຼວດກໍຈັບຕົວຜູ້ຖືກສົງໄສດັ່ງກ່າວຢູ່ທາງນອກໂບດ Heaton Park ໃນທັນທີ.
ຕາມຕຳຫຼວດແລ້ວ, ເປົ້າໝາຍດັ່ງກ່າວໄດ້ຂັບລົດຕຳເຂົ້າບ່ອນທີ່ຄົນຊຸມນຸມກັນຫຼາຍຢູ່ນອກໂບດດັ່ງກ່າວ ແລ້ວໃຊ້ມີດທຳຮ້າຍບັນດາຜູ້ປະສົບໄພ ເຊິ່ງກົງກັບໂອກາດ Yom Kippur, ເຊິ່ງເປັນວັນທີ່ສັກສິດທີ່ສຸດສຳລັບຊາວຢິວ. ອຸບັດຕິເຫດດັ່ງກ່າວໄດ້ຮັບຖືວ່າ “ແມ່ນການກະທຳກໍ່ການຮ້າຍ”. ໃນວິວັດການສືບສວນ, ຕຳຫຼວດເຂດ Greater Manchester ໄດ້ຈັບຕົວຜູ້ຖືກສົງໄສຕື່ມອີກ 3 ຄົນ, ຍ້ອນສົງໄສວ່າມີສ່ວນກ່ຽວຂ້ອງເຖິງການເຄື່ອນໄຫວກໍ່ການຮ້າຍ.
ທ່ານນາຍົກລັດຖະມົນຕີ Keir Starmer ໄດ້ກ່າວປະນາມວ່າ “ເຫດບຸກໂຈມຕີດັ່ງກ່າວເລັ່ງໃສ່ຊາວ ຢິວ ພຽງແຕ່ຍ້ອນເຂົາເປັນຊາວຢິວ”, ພ້ອມທັງໃຫ້ຄຳໝັ້ນສັນຍາຈະເພີ່ມທະວີຄວາມໝັ້ນຄົງໃຫ້ແກ່ຊຸມຊົນ.
