 ການສະແດງສິລະປະຂັບປາຍຈອຍ ຢູ່ ໂຮ້ຍອານ, ແຂວງ ກວ໋າງນາມ (ພາບ: VOV) |
ບັນດານັກພູມສາດ ແລະ ຄູອາຈານຢູ່ມະຫາວິທະຍາໄລ Mount Royal (ການາດາ), ທ່ານນາງ Lynn Moorman ຈະເປັນຜູ້ນຳພາລາຍການຄົ້ນຫາ ຫວຽດນາມ. ໃນລາຍການນີ້, ເຂົາເຈົ້າຈະໄປຢ້ຽມຊົມທັດສະນະສຶກສາຢູ່ຫຼາຍສະຖານທີ່ຢູ່ພາກເໜືອ, ເມືອງເກົ່າຢູ່ພາກກາງ, ແຄມທະເລ, ເຂດພູຜາປ່າໄມ້ທີ່ໃຫຍ່ໂຕມະໂຫຖານ, ເຂດຊົນນະບົດທີ່ລຽບງ່າຍ ຕະຫຼອດຮອດການດຳລົງຊີວິດທີ່ຄຶກຄື້ນຢູ່ນະຄອນ ໂຮ່ຈີມິນ ແລະ ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ບັນດາລາຍການສະແດງສິລະປະພື້ນເມືອງ ກໍເປັນໜຶ່ງໃນບັນດາກິດຈະກຳບຸລິມະສິດຂອງລາຍການນີ້, ເພື່ອແນໃສ່ເຊີດຊູ ແລະ ສົ່ງເສີມການອະນຸລັກຮັກສາວັດທະນະທຳຂອງປະເທດປະຈຳຖິ່ນ.
ການຢ້ຽມຢາມ ຫວຽດນາມ ຂອງ ສະພາພູມສາດລາຊະວົງ ການາດາ ແມ່ນສ່ວນໜຶ່ງໃນລາຍການຄົ້ນຫາພິເສດ “RCGS Quests” - ເຊິ່ງເປັນການຮ່ວມມືລະຫວ່າງສະພາພູມສາດລາຊະວົງ ການາດາ ແລະ ບໍລິສັດທ່ອງທ່ຽວ Exodus Travels ທີ່ມີສຳນັກງານຕັ້ງຢູ່ ອາເມລິກາ. ນອກຈາກ ຫວຽດນາມ ແລ້ວ, “RCGS Quests” ປີ 2024 ນີ້ ຍັງຈະໄປທັດສະນະສຶກສາຢູ່ບັນດາປະເທດ ອີຕາລີ, ເຄນຢາ, ຈໍແດນ ແລະ ອີຢິບ ອີກດ້ວຍ.
