 ກອງປະຊຸມສຳມະນາສາກົນ “ສ້າງສະຖານທີ່ ໂຮ່ຈີມິນ ຢູ່ອົງການຕາງໜ້າ ຫວຽດນາມ ປະຈຳ ຕ່າງປະເທດ" |
ກອງປະຊຸມສຳມະນາສາກົນ “ສ້າງສະຖານທີ່ ໂຮ່ຈີມິນ ຢູ່ອົງການຕາງໜ້າ ຫວຽດນາມ ປະຈຳ ຕ່າງປະເທດ" ໄດ້ດຳເນີນໃນຕອນບ່າຍວັນທີ 9 ມິຖຸນາ, ຢູ່ຮ່າໂນ້ຍ. ມີອົງການຫວຽດນາມ ປະຈຳ ຕ່າງປະເທດຫຼາຍກວ່າ 90 ແຫ່ງການເຂົ້າຮ່ວມແບບທາງໄກ.
ກ່າວຄຳເຫັນໄຂກອງປະຊຸມ, ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫງວຽນມິງຫວູ ໄດ້ຢັ້ງຢືນວ່າການເຊີດຊູປະທານໂຮ່ຈີມິນ ຜ່ານບັນດາສະຖານທີ່ວັດທະນະທຳ ແມ່ນຍຸດທະສາດຍາວນານ, ສົມທົບລະຫວ່າງສີສັນຊາດ ແລະ ການຕ່າງປະເທດທັນສະໄໝ. ບັນດາຮູບແບບນີ້ບໍພຽງແຕ່ແມ່ນສະຖານທີ່ວາງສະແດງເທົ່ານັ້ນ ຫາກຍັງຕ້ອງໄດ້ຮັບການພັດທະນາກາຍເປັນສະຖານທີ່ເຊື່ອມຕໍ່ລະຫວ່າງຄວາມຊົງໃຈ, ການສຶກສາ ແລະ ການພົວພັນແລກປ່ຽນສາກົນ, ເປັນຕົ້ນແມ່ນໃນສະພາບການຫວຽດນາມ ຍູ້ແຮງການເຊື່ອມໂຍງສາກົນຢ່າງຮອບດ້ານ.
ກອງປະຊຸມໄດ້ແບ່ງເປັນສອງວາລະປຶກສາຫາລື, ວາລະປະຊຸມທີໜຶ່ງກ່ຽວກັບບັນດາຮູບແບບເຊີດຊູປະທານໂຮ່ຈີມິນ ຜ່ານສີລະປະບໍ່ເປັນວັດຖຸ. ທີ່ວາລະປະຊຸມ, ຜູ້ຕາງໜ້າອົງການ UNESCO ປະຈຳ ຮ່າໂນ້ຍກໍ່ແບ່ງປັນຄວາມຄ້າຍຄືກັນລະຫວ່າງແນວຄິດປະທານ ໂຮ່ຈີມິນ ກ່ຽວກັບການຮ່ຳຮຽນຕະຫຼອດຊີວິດ ແລະ ການກຳນົດທິດການສຶກສາແບບຍືນຍົງທົ່ວໂລກ. ວາລະປະຊຸມທີສອງ ແມ່ນສຸມໃສ່ປຶກສາຫາລືກ່ຽວກັບຫົວຂໍ້ ສ້າງສະຖານທີ່ວັດທະນະທຳ ໂຮ່ຈີມິນ: ບົດຮຽນປະສົບການສາກົນ ແລະ ພຶດຕິກຳຕົວຈິງຂອງອົງການຕາງຫວຽດນາມ ປະຈຳ ຕ່າງປະເທດ.
