 ອິດສະຣາແອັນ ສ້າງເຂດຕັ້ງຖິ່ນຖານຢູ່ຝັ່ງຕາເວັນຕົກ (ພາບເອກະສານ:Reuters) |
ວັນທີ 29 ພຶດສະພາ, ກະຊວງປ້ອງກັນປະເທດ ອິດສະຣາແອັນ ໄດ້ຢັ້ງຢືນວ່າ ລັດຖະບານປະເທດນີ້ໄດ້ໃຫ້ສັດຕະຍາບັນແຜນການກໍ່ສ້າງເຂດຕັ້ງຖິ່ນຖານໃໝ່ 22 ແຫ່ງຢູ່ຝັ່ງຕາເວັນຕົກ. ຕາມນັ້ນແລ້ວ, ແຜນການລວມທັງການກໍ່ສ້າງໃໝ່ຫຼາຍເຂດຊຸມຊົນ ແລະ ຫັນບາງເຂດຕັ້ງຖິ່ນຖານທີ່ຕັ້ງຂຶ້ນເອງໃນປັດຈຸບັນໃຫ້ຖືກຕ້ອງຕາມກົດໝາຍ.
ແຈ້ງການຂອງກະຊວງປ້ອງກັນປະເທດ ອິດສະຣາແອັນ ບໍ່ເຜີຍໃຫ້ຮູ້ ຂອບຂະໜາດເຂດລະອຽດຂອງບັນດາເຂດຕັ້ງຖິ່ນຖານທີ່ຈະກໍ່ສ້າງ, ແຕ່ຢັ້ງຢືນເລື່ອງຮັບຮອງເອົາແຜນການຕັ້ງຖິ່ນຖານໃໝ່ແມ່ນການຕັດສິນໃຈຄັ້ງປະຫວັດສາດ, ຊ່ວຍເພີ່ມທະວີການຄວບຄຸມຍຸດທະສາດຂອງ ອິດສະຣາແອັນສຳລັບຝັ່ງຕາເວັນຕົກ ແລະ ສະກັດກັ້ນການສ້າງຕັ້ງລັດ ປາແລັດສະຕິນ.
ສື່ມວນຊົນໃນພາກພື້ນໄດ້ໃຫ້ຂໍ້ສັງເກດວ່າການກະທຳເປີດກວ້າງເຂດຕັ້ງຖິ່ນຖິ່ນຂອງ ອິດສະຣາແອັນ ຈະເຮັດໃຫ້ສະພາບການຢູ່ຝັ່ງຕາເວັນຕົກສັບສົນຂຶ້ນ ແລະ ວາງອອກສິ່ງທ້າທາຍສຳລັບຄວາມມານະພະຍາຍາມສ້າງຕັ້ງລັດເອກະລາດຂອງຊາວ ປາແລັດສະຕິນ ຫຼາຍກວ່າເກົ່າ.
ນັກຂ່າວ VOV ປະຈຳ ອີຢິບ
