 ພາບປະກອບ: REUTERS/Stringer |
ຕອນຄ່ຳວັນທີ 23 ມິຖຸນາ, ອີຣານໄດ້ເລີ່ມຕົ້ນບັນດາການບຸກໂຈມຕີດ້ວຍລູກສອນໄຟນຳວິຖີ ດ້ວຍຈຳນວນທີ່ຈຳກັດ, ບຸກໂຈມຕີຖານທີ່ໝັ້ນກອງທັບອາກາດ ອາເມລິກາ ຢູ່ກາຕາ. ລະອຽດແມ່ນ, ສະພາຄວາມໝັ້ນຄົງແຫ່ງຊາດສູງສຸດ ອີຣານ ໄດ້ປະກາດກຳລັງພິທັກປະຕິວັດ ອິດສະລາມ ປະເທດນີ້ (IRGC) ໄດ້ຍິງລູກສອນໄຟນຳວິຖີຫຼາຍລູກເລັ່ງໃສ່ຖານທີ່ໝັ້ນກອງທັບອາກາດ ຂອງ ອາເມລິກາ Al Udeid ຢູ່ກາຕາ. ການບຸກໂຈມຕີແນໃສ່ໂຕ້ຕອບບັນດາການບຸກໂຈມຕີທາງອາກາດຂອງ ອາເມລິກາ ເລັ່ງໃສ່ສາມຮາກຖານ ນິວເຄຼຍ Fordow, Natanz ແລະ Isfahan ຂອງອີຣານໃນວັນທີ 21 ມິຖຸນາ. ສະພາຄວາມໝັ້ນຄົງແຫ່ງຊາດສູງສຸດ ອີຣານ ໄດ້ຢັ້ງຢືນການບຸກໂຈມຕີໂຕ້ຕອບຂອງປະເທດນີ້ໂດຍບໍ່ແນໃສ່ນາບຂູ່ຕໍ່ກາຕາ. ກະຊວງປ້ອງກັນປະເທດ ກາຕາໄດ້ປະກາດລະບົບປ້ອງກັນອາກາດຂອງປະເທດນີ້ ໄດ້ສະກັດກັ້ນລູກສອນໄຟທັງໝົດຂອງອີຣານຢ່າງສຳເລັດຜົນ ແລະ ການບຸກໂຈມຕີບໍ່ເຮັດໃຫ້ມີຜູ້ເສຍຊີວິດ, ບາດເຈັບ ຫຼື ກໍ່ຜົນເສຍຫາຍຮ້າຍແຮງໃດໆ. ທ່ານໂຄສົກກະຊວງການຕ່າງປະເທດ ກາຕາ ໃຫ້ຮູ້ວ່າ ພະນັກງານທັງໝົດພາຍໃນຖານທີ່ໝັ້ນ Al Udeid ໄດ້ຍົກຍ້າຍໄປຍັງບ່ອນປອດໄພກ່ອນການບຸກໂຈມຕີຂອງ ອີຣານ. ສື່ມວນຊົນ ອາເມລິກາ ກໍ່ໃຫ້ຮູ້ວ່າ ອີຣານ ໄດ້ແຈ້ງໃຫ້ກາຕາ ຮັບຊາບກ່ອນກ່ຽວກັບການບຸກໂຈມຕີເພື່ອແນໃສ່ຈຳກັດ ຜູ້ຖືກຮັບບາດເຈັບ ແລະ ເສຍຊີວິດ.
