 (ພາບປະກອບ: TTXVN) |
ຕອນຄ່ຳວັນທີ 15 ມິຖຸນາ, ຮາກຖານຍຸດທະສາດ ຢູ່ນະຄອນທ່າກຳປັ່ນ Haifa ຂອງອິດສະລາແອັນ ຖືກລູກສອນໄຟຂອງອີຣານບຸກໂຈມຕີ. ອາຄານ 7 ຫຼັງຢູ່ Haifa ຖືກເປ່ເພ ພ້ອມກັບລົດໂອໂຕຫຼາຍຄັນຖືກໄຟໄໝ້. ຕາມການລາຍງານຈຳນວນໜຶ່ງໃນເບື້ອງຕົ້ນ ສະເພາະເຂດ Haifa ໄດ້ຢັ້ງຢືນມີຜູ້ຮັບບາດເຈັບຢ່າງໜ້ອຍສຸດ 15 ຄົນ. ນະຄອນຫຼວງ Tel Aviv ກໍ່ຢັ້ງຢືນມີສຽງລະເບີດໃຫຍ່ ແຕ່ຍັງບໍ່ທັນຮູ້ລະດັບເສຍຫາຍ.
ກ່ອນໜ້ານັ້ນ, ໃນຕອນບ່າຍວັນທີ 15 ມິຖຸນາ, ເປັນຄັ້ງທຳອິດທີ່ອີຣານຜັນຂະຫຍາຍການບຸກໂຈມຕີ ອິດສະລາແອັນ ຍາມກາງເວັນ. ໄລ່ລວມແລ້ວໃນວັນທີ 15 ມິຖຸນາ, ອີຣານ ໄດ້ດຳເນີນບັ້ນບຸກໂຈມຕີຢ່າງໜ້ອຍສຸດ 3 ຄັ້ງ ດ້ວຍລູກສອນໄຟແຕ່ 120 – 150 ລູກເລັ່ງໃສ່ອິດສະລາແອັນ, ແກ່ຍາວແຕ່ຕອນກາງເວັນຮອດກາງຄືນ.
ກົງກັນຂ້າມ, ກອງທັບອາກາດອິດສະລາແອັນ ກໍ່ໄດ້ດຳເນີນບັນດາການບຸກໂຈມຕີທັງເຮືອບິນສູ້ຮົບ ແລະ UAV ເລັ່ງໃສ່ຫຼາຍເຂດຢູ່ອີຮານຢ່າງຕໍ່ເນື່ອງ, ໃນນັ້ນມີນະຄອນຫຼວງ Tehran.
