ອີ​ຣານ​ຖະ​ແຫຼງ​ຈະ​ໂຕ້​ຕອບ​ຖ້າ ສ​ປ​ຊ ຈັດ​ວາງ​ຄຳ​ສັ່ງ​ລົງ​ໂທດ​ຄືນ​ໃໝ່

ທ່ານ Esmaeil Baghaei ໂຄສົກກະຊວງການຕ່າງປະເທດ ອີຣານ ໃຫ້ຮູ້ວ່າ ບັນດາຝ່າຍເອີລົບໄດ້ລະເມີດບັນດາພັນທະຂອງເຂົາເຈົ້າ ຕາມແຜນການກະທຳຮ່ວມຮອບດ້ານ (JCPOA) ໂດຍພື້ນຖານ ແລະ ຮ້າຍແຮງ,ດັ່ງນັ້ນ ເຂົາເຈົ້າບໍ່ຖານະນິຕິກຳ ແລະ ການເມືອງ ເພື່ອນຳໃຊ້ ກົນໄກຟື້ນຟູ, ພ້ອມທັງກ່າວເຕືອນວ່າປະເທດນີ້ຈະມີປະຕິກິລະຍາທີ່ເໝາະສົມ ແລະ ສົມຄວນຖ້າບັນດາຄຳສັ່ງນີ້ໄດ້ຈັດວາງຄືນໃໝ່. ກ່ຽວກັບບັນດາການເຈລະຈາກ່ຽວກັບໂຄງການນິວເຄຼຍລະຫວ່າງ ອາເມລິກາ ແລະ ອີຣານ ເຊິ່ງໄດ້ຮັບການເຊື່ອມຕໍ່ພາຍຫຼັງ ທ່ານປະທານາທິບໍດີ ອາເມລິກາ Donald Trump ຮັບດຳລົງຕຳແໜ່ງອາຍຸການທີສອງ, ແຕ່ຖືກຂາດວັກຂາດຕອນເມື່ອ ອິດສະລາແອັນ ແລະ ອາເມລິກາ ບຸກໂຈມຕີອີຣານເມື່ອເດືອນກ່ອນ, ທ່ານໂຄສົກກະຊວງການຕ່າງປະເທດ ອີຣານໃຫ້ຮູ້ວ່າ ປັດຈຸບັນຍັງບໍ່ມີວັນເວລາ ຫຼື ສະຖານທີ່ລະອຽດໃດທີ່ໄດ້ກຳນົດໃຫ້ແກ່ການເຊື່ອມຕໍ່ ບັນດາການເຈລະຈານີ້ຄືນໃໝ່.