(ພາບ: REUTERS/Francois Lenoir) |
ວັນທີ 4 ສິງຫາ, ໂຄສົກຄະນະກຳມະການ ເອີລົບ ໃຫ້ຮູ້ວ່າ: ອີຢູ ຈະຢຸດຕິຊົ່ວຄາວ 2 ບ້ວງມາດຕະການໂຕ້ຕອບນະໂຍບາຍພາສີອາກອນຂອງ ອາເມລິກາ ໃນເວລາ 6 ເດືອນ ພາຍຫຼັງບັນລຸໄດ້ຂໍ້ຕົກລົງກັບທ່ານ Donald Trump ປະທານາທິບໍດີ ອາເມລິກາ ເມື່ອວັນທີ 27 ກໍລະກົດ ທີ່ຜ່ານມາ. ບັນດາມາດຕະການໂຕ້ຕອບຂອງ ອີຢູ ລວມມີ 2 ບ້ວງ: ບ້ວງໜຶ່ງແມ່ນແນໃສ່ອັດຕາພາສີຂອງ ອາເມລິກາ ທີ່ຈັດໃສ່ ເຫຼັກກ້າ ແລະ ອາລູນຽມ; ແລະ ບ້ວງໜຶ່ງແມ່ນແນໃສ່ນະໂຍບາຍພາສີຮາກຖານ ແລະ ພາສີຕໍ່ລົດໂອໂຕໂດຍທ່ານ Trump ປະກາດ. ແຈ້ງການຊີ້ແຈ້ງວ່າ: ອີຢູ ຈະສືບຕໍ່ສົມທົບກັບ ອາເມລິກາ ເພື່ອສ້າງຖະແຫຼງການຮ່ວມໃຫ້ສຳເລັດ, ຕາມຂໍ້ຕົກລົງທີ່ບັນລຸໄດ້ໃນວັນທີ 27 ກໍລະກົດ. ຕາມເປົ້າໝາຍດັ່ງກ່າວ, ຄະນະກຳມະການ ເອີລົບ ຈະປະຕິບັດບັນດາບາດກ້າວທີ່ຈຳເປັນ ເພື່ອຢຸດຕິບັນດາມາດຕະການໂຕ້ຕອບຂອງ ອີຢູ ທີ່ມີຕໍ່ ອາເມລິກາ ໃນເວລາ 6 ເດືອນ, ຊື່ງຄາດວ່າຈະມີຜົນສັກສິດນັບແຕ່ວັນທີ 7 ສິງຫາ ເປັນຕົ້ນໄປ.
