 (ທີ່ການຕ້ອນຮັບ) |
ຕອນບ່າຍວັນທີ 19 ມີນາ, ຢູ່ສຳນັກງານລັດຖະບານ, ທີ່ການຕ້ອນຮັບຄະນະກວດກາຂອງຄະນະກຳມະການເອີລົບ (ອີຊີ), ໂດຍທ່ານ Fernando Andresen Guimaraes, ຫົວໜ້າກົມຄຸ້ມຄອງມະຫາສະມຸດສາກົນ ແລະ ອາຊີບຫາປາແບບຍືນຍົງ, ເປັນຫົວໜ້າຄະນະ ເນື່ອງໃນໂອກາດການຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານ ຟ້າມມິນຈິງ, ນາຍົກລັດຖະມົນຕີ ຫວຽດນາມ ຢືນຢັນວ່າ ເລື່ອງຕ້ານການຫາປາແບບຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ (IUU) ບໍ່ພຽງແຕ່ເພື່ອຕອບສະໜອງຄວາມຮຽກຮ້ອງຂອງການສົ່ງອອກເທົ່ານັ້ນ, ຫາກສຳຄັນກວ່າແມ່ນຢືນຢັນກຽດສັກສີຂອງຊາດອີກດ້ວຍ. ຫວຽດນາມ ໄດ້ຜັນຂະຫຍາຍຫຼາຍໝວດມາດຕະການແກ້ໄຂ, ໃນນັ້ນມີການປັບໄໝຢ່າງເຄັ່ງຂັດ, ຟ້ອງສານຕໍ່ກັບບັນດາກໍລະນີລະເມີດເຂດທະເລຕ່າງປະເທດ ແລະ ຂຸດຄົ້ນຢ່າງຜິດກົດໝາຍ.
ສ່ວນທ່ານ Fernando Andresen Guimaraes ຕີລາຄາສູງຄຳໝັ້ນສັນຍາຢ່າງແຮງ ແລະ ບັນດາຄວາມຄືບໜ້າທີ່ໜ້າປະທັບໃຈຂອງ ຫວຽດນາມ ໃນໄລຍະຜ່ານມາ. ພິເສດແມ່ນວຽກງານຄົ້ນຫາຕົ້ນກຳເນີດສິນທະເລໄດ້ມີບາດກ້າວປົວແປງຫຼາຍພໍສົມຄວນ ເພື່ອຮັບປະກັນໃຫ້ສິນຄ້າທີ່ສົ່ງໄປສະຫະພາບເອີລົບ ຖືກຕ້ອງຕາມກົດໝາຍ. ທ່ານຖືວ່າ ຫວຽດນາມ ພວມໄປຖືກທິດ ແລະ ໃຫ້ຮູ້ວ່າ ອີຊີ ຈະສືບຕໍ່ຮຽງບ່າຮຽງໄຫຼ່, ໜູນຊ່ວຍດ້ານເຕັກນິກເພື່ອໃຫ້ ຫວຽດນາມ ບັນລຸເປົ້າໝາຍຄຸ້ມຄອງອາຊີບຫາປາແບບຍືນຍົງ.
