 Logo ຂອງກອງທຶນເງິນຕາສາກົນ IMF (ພາບ: REUTERS/Benoit Tessier) |
IMF ກໍຮັກສາການຄາດຄະເນລະດັບເຕີບໂຕເສດຖະກິດທົ່ວໂລກໃຫ້ແກ່ປີ 2027 ແມ່ນ 3,2%, ບໍ່ມີການປ່ຽນແປງເມື່ອທຽບໃສ່ການຄາດຄະເນກ່ອນນັ້ນ. ອົງການຈັດຕັ້ງດັ່ງກ່າວ ໄດ້ດັດປັບລະດັບເຕີບໂຕທົ່ວໂລກນັບແຕ່ເດືອນ ກໍລະກົດ ປີ 2025 ພາຍຫຼັງບັນດາຂໍ້ຕົກລົງດ້ານການຄ້າລະຫວ່າງປະເທດຕ່າງໆກັບ ອາເມລິກາ ເຮັດໃຫ້ກຳລັງດັນດ້ານພາສີຫຼຸດລົງເມື່ອທຽບໃສ່ລະດັບສູງສຸດໃນເດືອນ ເມສາ 2025. ໃນຂະນະທີ່ໄພເງິນເຟີ້ທົ່ວໂລກຄາດວ່າຈະສືບຕໍ່ຫຼຸດລົງ, ຈາກ 4,1% ໃນປີ 2025 ລົງເຫຼືອ 3,8% ໃນປີ 2026 ແລະ 3,4% ໃນປີ 2027.
ອົງການ IMF ຄາດຄະເນວ່າ ລະດັບເຕີບໂຕເສດຖະກິດຂອງ ອາເມລິກາ ໃນປີ 2026 ຈະບັນລຸ 2,4%, ສ່ວນໜຶ່ງແມ່ນຍ້ອນມີການເພີ່ມທະວີການລົງທຶນເຂົ້າພື້ນຖານໂຄງລ່າງປັນຍາປະດິດ (AI) ຢ່າງແຮງ. ແຕ່ເຖິງຢ່າງໃດກໍຕາມ, IMF ຫຼຸດລະດັບຄາດຄະເນອັດຕາເຕີບໂຕຂອງ ອາເມລິກາ ໃນປີ 2027 ລົງເຫຼືອພຽງ 2,0%. ສຳລັບ ຈີນ, IMF ຄາດຄະວ່າ ປະເທດນີ້ຈະບັນລຸລະດັບເຕີບໂຕ 4,5% ໃນປີ 2026.
