ງານມະໂຫລານຟິມຮູບເງົາສາກົນ Imedghassen ຄາດວ່າຈະຈັດຂຶ້ນແຕ່ວັນທີ 10 – 16 ກັນຍາ ຢູ່ນະຄອນ Batna, ປະເທດ ອານເຊຣີ. ທີ່ງານມະໂຫລານຮູບເງົາສາກົນ Imedghassen ຄັ້ງທີ 5 ນີ້, ຫວຽດນາມ ເປັນກຽດໄດ້ກາຍເປັນແຂກຖືກເຊີນກິຕິມະສັກ.
ໜັງສືພິມ “El Moudjahid” ລາຍວັນສະບັບອອກວັນທີ 24 ສິງຫາ ໄດ້ແນະນຳກ່ຽວກັບການເຕີບໃຫຍ່ຂອງຮູບເງົາ ຫວຽດນາມ; ພ້ອມກັນນັ້ນ, ຫວັງວ່າ ບັນດາຮູບເງົາຂອງ ຫວຽດນາມ ທີ່ສາຍໃນງານມະໂຫລານຄັ້ງນີ້ຈະນຳມາໃຫ້ຜູ້ຊົນ ອານເຊຣີ ໂອກາດຄົ້ນຫາພື້ນຖານຮູບເງົາເຕັມໄປດ້ວຍລັກສະນະວັດທະນະທຳມະນຸດ, ສວຍງາມ ແລະ ຕິດພັນຢ່າງແໜ້ນແຟ້ນກັບປະຫວັດສາດຂອງຊາດ ຫວຽດນາມ.
ຕາມບົດຂຽນ, ຮູບເງົາ ຫວຽດນາມ ໄດ້ສ້າງຕັ້ງ ແລະ ພັດທະນາໃນຫຼາຍທົດສະວັດແຫ່ງການຕໍ່ສູ້ ແລະ ຄວາມຄາດຫວັງຍາດເອົາເອກະລາດ. ບັນດາຮູບເງົາຄື “ນາງສາວ ຮ່າໂນ້ຍ” (1975) ຫຼື “ຍາມໃດຈຶ່ງຈະຮອດເດືອນ ຕຸລາ” (1984) ໄດ້ສ້າງຂີດໝາຍຢ່າງເລິກເຊິ່ງ, ປະກອບສ່ວນສ້າງເປັນສີສັນຂອງພື້ນຖານຮູບເງົາຂອງຊາດ ຫວຽດນາມ.
