 (ພາບປະກອບ: REUTERS/TTXVN) |
ໃນຖະແຫຼງການອອກໃນວັນທີ 27 ກຸມພາ, ກຳລັງຮາມາສໃຫ້ຮູ້ວ່າ ພ້ອມແລ້ວທີ່ຈະເຂົ້າຮ່ວມການເຈລະຈາກັບອິດສະລາແອັນ ກ່ຽວກັບໄລຍະທີ 2 ຂອງຂໍ້ຕົກລົງຢຸດຍິງຢູ່ເຂດກາຊາ, ພາຍຫຼັງປະຕິບັດສຳເລັດການມອບສົ່ງຕົວປະກັນອິດສະລາແອັນ ແລະ ຮັບນັກໂທດປາແລັດສະຕິນ ໃນໄລຍະທີ 1. ກ່ອນໜ້ານັ້ນ, ໃນຕອນຄ່ຳວັນທີ 26 ກຸມພາ, ຮາມາສ ແລະ ອິດສະລາແອັນ ບັນລຸໄດ້ຂໍ້ຕົກລົງແລກປ່ຽນຊາກສົບຂອງຕົວປະກັນອິດສະລາແອັນ 4 ຄົນແລະ ປ່ອຍຕົວນັກໂທດປາແລັດສະຕິນ 602 ຄົນ. ພາຍຫຼັງໄດ້ຮັບຕົວປະກັນ, ຕອນບ່າຍວັນທີ 27 ກຸມພາ ລັດຖະບານ ອິດສະລາແອັນ ໄດ້ປະກາດຈະຈັດສົ່ງຄະນະຜູ້ຕາງໜ້າໄປຍັງກາຍໂຣ, ເອຢິບ ເພື່ອສືບຕໍ່ບັນດາການເຈລະຈາ. ເຖິງຢ່າງໃດກໍຕາມ, ທ່ານລັດຖະມົນຕີການຕ່າງປະເທດ ອິດສະລາແອັນ Gideon Sa’ar ຢັ້ງຢືນວ່າ ເລື່ອງ ປະເທດນີ້ຈັດສົ່ງຄະນະຜູ້ຕາງໜ້າໄປຍັງ ກາຍໂຣ ແມ່ນເພື່ອແນໃສ່ສຳຫຼວດຄວາມສາມາດທີ່ຈະດຳເນີນການເຈລະຈາ, ບໍ່ແມ່ນການຢັ້ງຢືນຈະມີການເຈລະຈາກ່ຽວກັບໄລຍະທີ 2.
