 ພາບປະກອບ: TTXVN |
ໃນຈົດໝາຍສົ່ງໄປຍັງທ່ານເລຂາທິການໃຫຍ່, ປະທານປະເທດ ລາວ ທອງລູນ ສີສຸລິດ ແລະ ການນຳຂັ້ນສູງລາວ, ທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ ແລະ ການນຳຂັ້ນສູງ ຫວຽດນາມ ໄດ້ຢັ້ງຢືນຍາມໃດກໍ່ມີສະຕິຢ່າງເລິກເຊິ່ງ ແລະ ຮູ້ສຶກດີໃຈນຳບັນດາການນຳລາວ ທີ່ໄດ້ປັບປຸງ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວຢ່າງບໍ່ຢຸດຢັ້ງ ນັບມື້ນັບມີການພັດທະນາຢ່າງມີປະສິດທິຜົນ, ແທ້ຈິງໃນສະພາບການໃໝ່ຄືໃນປັດຈຸບັນ, ນຳມາເຊິ່ງຜົນປະໂຫຍດຢ່າງແທດຈິງມາໃຫ້ປະຊາຊາຊົນແຕ່ລະປະເທດ, ປະກອບສ່ວນຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ໃນຈົດໝາຍສົ່ງໄປຍັງ ກະສັດກຳປູເຈຍ, ປະທານພັກ CPP, ທ່ານປະທານສະພາສູງ Hun Sen ແລະ ການນຳຂັ້ນສູງ ກຳປູເຈຍ, ທ່ານເລຂາທິການໃຫຍ່ ໂຕເລິມ ແລະ ການນຳຂັ້ນສູງ ຫວຽດນາມ ເຊື່ອໝັ້ນວ່າ ບັນດາໝາກຜົນທີ່ຕັ້ງໜ້າບັນລຸໄດ້ຢູ່ການພົບປະຂັ້ນສູງ ລະຫວ່າງກົມການເມືອງສູນກາງພັກກອມມູນິດ ຫວຽດນາມ ແລະ ຄະນະປະຈຳສູນກາງພັກປະຊາຊົນ ກຳປູເຈຍ ແລະ ການພົບປະລະຫວ່າງຜູ້ນຳຂັ້ນສູງຂອງສາມພັກ ຫວຽດນາມ - ກຳປູເຈຍ - ລາວ ເມື່ອເດືອນກຸມພາຜ່ານມາ ໂດຍສອງຝ່າຍສົມທົບກັນຫັນເປັນລະອຽດ, ປະກອບສ່ວນປັບປຸງ ແລະ ເຮັດໃຫ້ການພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານ, ຍືນຍົງຍາວນານລະຫວ່າງສອງປະເທດເລິກເຊິ່ງກ່ວາອີກ, ເພື່ອຜົນປະໂຫຍດອັນແທດຈິງ ຂອງປະຊາຊົນແຕ່ລະປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື, ພັດທະນາຢູ່ພາກພື້ນ ແລະ ໃນໂລກ.
