 ທ່ານເລຂາທິການໃຫຍ່ ໂຕເລິມ ເປັນປະທານການພົບປະກັບວິສາຫະກິດດີເດັ່ນ ແຟງລັງ |
ທີ່ການພົບປະ, ຜູ້ແທນບັນດາວິສາຫະກິດແຖວໜ້າຂອງ ແຟງລັງ ໄດ້ແບ່ງປັນກ່ຽວກັບຫຼາຍຄວາມແນວຄິດທີ່ມີຫົວຄິດປະດິດສ້າງ, ບັນດາບົດຮຽນປະສົບການ ແລະ ກຳນົດທິດທາງການຮ່ວມມືລະຫວ່າງ 2 ປະເທດ. ທ່ານເລຂາທິການໃຫຍ່ ໂຕເລິມ ຢັ້ງຢືນວ່າ:
“ພວກຂ້າພະເຈົ້າຊົມເຊີຍ ແລະ ສົ່ງເສີມບັນດາວິສາຫະກິດ ແຟງລັງ ລົງທຶນຍາວນານ, ຍືນຍົງ, ຖ່າຍທອດເຕັກໂນໂລຢີກ້າວໜ້າ ແລະ ການຮ່ວມມືຄົ້ນຄວ້າພັດທະນາ, ເຂົ້າຮ່ວມລະບົບນິເວດປະດິດຄິດສ້າງ ຫວຽດນາມ. ໃນນັ້ນ, ຫວຽດນາມ ໃຫ້ບຸລິມະສິດບາງຂົງເຂດກ່ຽວກັບວິທະຍາສາດເຕັກໂນໂລຢີນະວັດຕະກຳ, ຫັນເປັນດີຈີຕອນ, ສຸມໃສ່ການພັດທະນາບັນດາຂະແໜງອຸດສາຫະກຳພື້ນຖານອຸດສາຫະກຳປາຍແຫຼມ, ອຸດສາຫະກຳທີ່ຫາກໍ່ພົ້ນເດັ່ນ. ພື້ນຖານໂຄງລ່າງພະລັງງານ, ຄົມມະນາຄົມ, ກໍ່ສ້າງຜັນຂະຫຍາຍອຸດສາຫະກຳໝູນໃຊ້ພະລັງງານປະລະມານູ, ພະລັງງານສີຂຽວ, ພະລັງງານສະອາດ, ຮ່ວງອາວະກາດ, ກວານຕຸມ, ເສດຖະກິດທະເລ, ພັດທະນາການບໍລິການ logistic, ເສດຖະກິດທະເລຫຼາຍຂະແໜງຕິດພັນກັບການສ້າງບັນດາສູນເສດຖະກິດທະເລ, ພັດທະນາຖັນແຖວກ່ຳປັ່ນຂົນສົ່ງທາງທະເລທີ່ເຂົ້າຮ່ວມບັນດາລະບົບສະໜອງການບໍລິການຂົນສົ່ງຢ່າງເລິກເຊິ່ງ, ສ້າງບັນດາທ່າກ່ຳປັ່ນອັດສະລິຍະ.”
ຕອນບ່າຍຂອງວັນດຽວກັນ, ຢູ່ Helsinki, ທ່ານເລຂາທິການໃຫຍ່ ໂຕເລິມ ໄດ້ພົບປະກັບພະນັກງານສະຖານທູດ ຫວຽດນາມ ແລະ ປະຊາຄົມຊາວ ຫວຽດນາມ ອາໄສຢູ່ ເອີຣົບເໜືອ (ແຟງລັງ, ແດນມາກ, ຊູແອັດ, ນອກແວ). ປັດຈຸບັນປະຊາຄົມຊາວ ຫວຽດນາມ ອາໄສຢູ່ ແຟງລັງ ມີປະມານ 16.000 ຄົນ.
ວັນຫຽວ
