 ທ່ານເອກອັກຄະລັດຖະທູດ ຫວຽດນາມ ປະຈຳ ບຣາຊິນ ບຸ່ຍວັນງິ (ພາບ: TTXVN) |
ທ່ານເອກອັກຄະລັດຖະທູດ ຫວຽດນາມ ປະຈຳ ບຣາຊິນ ບຸ່ຍວັນງິ ເນັ້ນໜັກສິ່ງດັ່ງກ່າວ ເມື່ອຕອບສຳພາດຕໍ່ນັກຂ່າວ VOV, ເນື່ອງໃນໂອກາດຢ້ຽມຢາມ ຫວຽດນາມ ຂອງທ່ານປະທານາທິບໍດີ ບຣາຊິນ Luiz Inacio Lala da Silva ຕາມຄຳເຊີນຂອງທ່ານປະທານປະເທດ ຫວຽດນາມ ເລືອງເກື່ອງ (27 – 29 ມີນາ) ວ່າ ທ່ານປະທານາທິບໍດີ Lula da Silva ຈະຊຸກຍູ້ບັນດາສາຍພົວພັນຮ່ວມມືທີ່ແທດຈິງໃນທຸກຂົງເຂດ, ເຊັ່ນ: ການເມືອງ - ຄວາມໝັ້ນຄົງ, ເສດຖະກິດ - ການຄ້າ - ການລົງທຶນ, ວິທະຍາສາດ - ເຕັກໂນໂລຢີ - ນະວັດຕະກຳ, ວັດທະນະທຳ - ສັງຄົມ ແລະ ການປ່ຽນແປງຂອງດິນຟ້າອາກາດ. ທ່ານເອກອັກຄະລັດຖະທູດໃຫ້ຮູ້ວ່າ ໃນການຢ້ຽມຢາມຄັ້ງນີ້, 2 ປະເທດສຸມໃສ່ແລກປ່ຽນການກຳນົດທິດການຮ່ວມມືໃນບັນດາຂົງເຂດທີ່ມີຄວາມໝາຍ, ມີຄວາມສາມາດບົ່ມຊ້ອນໃຫຍ່ ເຊັ່ນ: ພະລັງງານທົດແທນ, ອຸດສາຫະກຳປຸງແຕ່ງ, ກະສິກຳເຕັກໂນໂລຢີສູງ, ເຊື້ອເພີງຊີວະພາບ, ການສຶກສາບຳລຸງສ້າງ ແລະ ການຮັບມືກັບການປ່ຽນແປງຂອງດິນຟ້າອາກາດ. ສອງຝ່າຍຈະປຶກສາຫາລື, ວາງອອກບັນດາມາດຕະການລະອຽດ ແນໃສ່ຊຸກຍູ້ການຮ່ວມມືດ້ານເສດຖະກິດ - ການຄ້າ, ເປີດກວ້າງຕະຫຼາດ ແລະ ເພີ່ມທະວີການລົງທຶນລະຫວ່າງສອງປະເທດ.
