ໃນແຈ້ງການສົ່ງທາງອີເມວ, ໂຄສົກ EC ເນັ້ນໜັກວ່າ: “ພວກຂ້າພະເຈົ້າ ຂໍສະແດງຄວາມເສຍໃຈຕໍ່ເລື່ອງ ອາເມລິກາ ແຈ້ງເພີ່ມອັດຕາພາສີສຳລັບເຫຼັກກ້ານຳເຂົ້າຈາກ 25% ຂຶ້ນເປັນ 50%”. ແຈ້ງການກໍມີຕອນຂຽນວ່າ ຂໍ້ຕົກລົງຂອງອຳນາດການປົກຄອງຂອງທ່ານປະທານາທິບໍດີ Donald Trump ເຮັດໃຫ້ເພີ່ມຄວາມຂາດສະຖຽນລະພາບແກ່ພື້ນຖານເສດຖະກິດທົ່ວໂລກ ແລະ ເພີ່ມຄ່າໃຊ້ຈ່າຍສຳລັບຜູ້ບໍລິໂພກ ກໍຄືວິສາຫະກິດຢູ່ທັງສອງຝັ່ງ ອັດລັງຕິກ. ໄປຄຽງຄູ່ກັນນັ້ນ, EC ກ່າວເຕືອນວ່າ “ເລື່ອງເພີ່ມອັດຕາພາສີກໍເຮັດໃຫ້ຄວາມມານະພະຍາຍາມໃນປັດຈຸບັນເພື່ອແນໃສ່ບັນລຸໄດ້ມາດຕະການແກ້ໄຂຜ່ານການເຈລະຈາ ຖືກຊຸດໂຊມລົງ”.
ກ່ອນໜ້ານັ້ນ, ວັນທີ 30 ພຶດສະພາ ເມື່ອກ່າວຄຳເຫັນໃນໂຮງງານຂອງ US Steel ຢູ່ ລັດ Pennsylvania, ທ່ານປະທານາທິບໍດີ Donald Trump ໃຫ້ຮູ້ວ່າ ທ່ານຈະເພີ່ມອັດຕາພາສີນຳເຂົ້າເຫຼັກກ້າຂຶ້ນເປັນ 50%.
