 ທ່ານຮອງນາຍົກລັດຖະມົນຕີ ເວືອງດີງເຫ້ວ ໄດ້ຕ້ອນຮັບທ່ານ Hidetoshi Nishimura, ຫົວຫນ້າສະຖາບັນຄົ້ນຄ້ວາເສດຖະກິດ ອາຊຽນ ແລະ ອາຊີຕາເວັນອອກ (ERIA) |
ໂດຍທ່ານ Hidetoshi Nishimura, ຫົວຫນ້າສະຖາບັນນຳຫນ້າ ເນື່ອງໃນໂອກາດຄະນະສົມທົບກັບກະຊວງການຕ່າງປະເທດຫວຽດນາມ ຈັດຕັ້ງ “ການໂອ້ລົມສົນທະນາ “50 ປີແຫ່ງວັນສ້າງຕັ້ງ ອາຊຽນ: ປະຊາຄົມເສດຖະກິດ ອາຊຽນ ກາລະໂອກາດໃຫ້ແກ່ວິສາຫະກິດຫວຽດນາມ”. ທີ່ການພົບປະ, ບັນດາສະມາຊິກໃນຄະນະໄດ້ແລກປ່ຽນ, ແບ່ງປັນບາງເນື້ອໃນຄົ້ນຄ້ວາຂອງ ERIA ກ່ຽວກັບຫວຽດນາມ ເວົ້າສະເພາະ ແລະ ປະຊາຄົມເສດຖະກິດ ອາຊຽນ ເວົ້າລວມ. ບັນດາຄຳເຫັນຂອງຜູ້ແທນໄດ້ຕີລາຄາວ່າ ຫວຽດນາມ ປະສົບຜົນສຳເລັດໃນການປະຕິຮູບນະໂຍບາຍ. ລັດຖະບານ ຫວຽດນາມ ຍາມໃດກໍ່ເປີດປະຕູສຳລັບພາກເອກະຊົນ ເພື່ອໃຫ້ເຂົາເຈົ້າມີໂອກາດໂອ້ລົມສົນທະນາກັບລັດຖະບານ. ການສ້າງຕັ້ງປະຊາຄົມເສດຖະກິດ ອາຊຽນ ຈະເປີດຫລາຍກາລະໂອກາດໃຫ້ແກ່ພາກເອກະຊົນຂອງຫວຽດນາມ. ຕາມທ່ານຮອງນາຍົກລັດຖະມົນຕີ ແລ້ວ, ຫວຽດນາມ ພວມມານະພະຍາຍາມສ້າງເງື່ອນໄຂສະດວກດ້ານການຄ້າຢ່າງສຸດຂີດ ໄປຄຽງຄູ່ກັບການຕ້ານສໍ້ໂກງການຄ້າ, ແຕ່ບັນຫາສຳຄັນແມ່ນແກ້ໄຂບັນດາລະບຽບການກວດກາສະເພາະຂະແຫນງໃນແຕ່ລະບາດກ້າວ ແລະ ການສົມທົບລະຫວ່າງບັນດາປະເທດພາຍໃນກຸ່ມ, ບັນຫານີ້ຍັງບໍ່ທັນໄດ້ຮັບການຄົ້ນຄ້ວາລະອຽດແລະ ມີມາດຕະການເໝາະສົມ.
