 ທ່ານປະທານາທິບໍດີ ຢູແກຼນ Volodymyr Zelensky (ພາບ: TTXVN) |
ບໍ່ວ່າການຕັດສິນໃດກ່ຽວກັບການຢຸດຕິການປະທະກັນລະຫວ່າງ ລັດເຊຍ - ຢູແກຼນ ຕ້ອງມີການເຂົ້າຮ່ວມຂອງ ຢູແກຼນ ແລະ ເອີຣົບ. ບໍ່ສາມາດມີຂໍ້ຕົກລົງໃດກ່ຽວກັບ ຢູແກຼນ ຫາກບໍ່ມີການເຂົ້າຮ່ວມ ແລະ ບໍ່ສາມາດມີຂໍ້ຕົກລົງໃດກ່ຽວກັບ ເອີຣົບ ທີ່ບໍ່ມີການເຂົ້າຮ່ວມຂອງ ເອີຣົບ, ເອີຣົບ ຕ້ອງມີບ່ອນນັ່ງໃນໂຕະເຈລະຈາ. ທ່ານປະທານາທິບໍດີ ຢູແກຼນ Volodymyr Zelensky ໄດ້ປະກາດຄືແນວນັ້ນ ໃນບົດກ່າວປາໄສໃນວັນທີ 15 ກຸມພາ ຢູ່ກອງປະຊຸມຄວາມໝັ້ນຄົງ Munich, ເຊິ່ງໄດ້ດຳເນີນແຕ່ວັນທີ 14 – 16 ກຸມພາ ຢູ່ນະຄອນ Munich, ລັດ Bavaria ພາກໃຕ້ປະເທດ ເຢຍລະມັນ.
ອາທິດຜ່ານມາ, ທ່ານປະທານາທິບໍດີ ອາເມລິກາ, Donald Trump ໄດ້ສ້າງຄວາມແປກປະຫຼາດໃຈໃຫ້ແກ່ ຢູແກຼນ ແລະ ບັນດາສຳພັນທະມິດ ເອີຣົບ ເມື່ອເຫັນດີພົບປະກັບຄູ່ຕຳແໜ່ງ ລັດເຊຍ, ທ່ານ Vladimir Putin ເພື່ອເລີ່ມຕົ້ນການເຈລະຈາກ່ຽວກັບການຢຸດຕິການປະທະກັນຢູ່ ຢູແກຼນ. ການກະທຳດັ່ງກ່າວ ເຮັດໃຫ້ ຢູແກຼນ ແລະ ເອີຣົບ ມີຄວາມວິຕົກກັງວົນອາດຈະບໍ່ໄດ້ເຂົ້າຮ່ວມການເຈລະຈາລະຫວ່າງ ອາເມລິກາ - ລັດເຊຍ ກ່ຽວກັບອະນາຄົດ ຢູແກຼນ ແລະ ໂຄງປະກອບຄວາມໝັ້ນຄົງເອີຣົບ. ດັ່ງນັ້ນ, ທ່ານ Zelensky ຮຽກຮ້ອງໃຫ້ທະວີບນີ້ ຕ້ອງມີການກະທຳເພື່ອຜົນປະໂຫຍດຂອງຕົນເອງ ແລະ ສ້າງຕັ້ງກອງທັບສະເພາະຂອງເອີຣົບໂດບໄວ, ເມື່ອການຮັບປະກັນຄວາມໝັ້ນຄົງຈາກ ຝ່າຍ ອາເມລິກາ ບໍ່ມີຫຍັງແນ່ນອນອີກແລ້ວ.
