ຕາມບົດລາຍງານຂອງ ສປຊ, ໃນຈຳນວນພະນັກງານຮັກສາສັນຕິພາບເກືອບ 80.000 ຄົນ, ພະນັກງານຍິງກວມເອົາ 8,4%. ສະເພາະທະຫານ ແລະ ຕຳຫຼວດທີ່ຍິງ ກວມເອົາກວ່າ 27%. ໃນມະຕິສະບັບເລກທີ 2242, ສະພາຄວາມໝັ້ນຄົງ ສປຊ ຫວັງວ່າ ຮອດປີ 2028, ກຸ່ມເປົ້າໝາຍດັ່ງກ່າວຈະບັນລຸປະມານ 35%.
 ທ່ານ ພັນເອກ ຫງວຽນຍືແກັງ, ຮອງຫົວໜ້າກົມຮັກສາສັນຕິພາບ ຫວຽດນາມ, ກະຊວງປ້ອງກັນປະເທດ ຫວຽດນາມ (ພາບ: ກົມຮັກສາສັນຕິພາບ ຫວຽດນາມ) |
ນັບແຕ່ປີ 2014 ມາຮອດປັດຈຸບັນ, ຫວຽດນາມ ໄດ້ຈັດສົ່ງພະນັກງານປະມານ 1.1000 ເທື່ອຄົນໄປເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ 3 ຄະນະ ແລະ ສຳນັກງານ ສປຊ. ໃນນັ້ນ ເພດຍິງກວມເອົາ 13%, ຮັບປະກັນອັດຕາແມ່ຍິງຖືກຕ້ອງຕາມມາດຕະຖານຂອງ ສປຊ. ທ່ານ ພັນເອກ ຫງວຽນຍືແກັງ, ຮອງຫົວໜ້າກົມຮັກສາສັນຕິພາບ ຫວຽດນາມ, ກະຊວງປ້ອງກັນປະເທດ ຫວຽດນາມ ໃຫ້ຮູ້ວ່າ:
“ຮ່າງກົດໝາຍ ໄດ້ສະເໜີແບບວິທີເພື່ອຍົກສູງບົດບາດຄວາມສະເໝີພາບລະຫວ່າງຍິງ - ຊາຍ ດ້ວຍສອງເປົ້າໝາຍ. ທີໜຶ່ງ, ຕອບສະໜອງຄວາມຮຽກຮ້ອງຂອງ ສປຊ ຕາມມະຕິເລກທີ 1325 ຂອງ ສປຊ ກ່ຽວກັບແມ່ຍິງຮັກສາສັນຕິພາບ ແລະ ຄວາມໝັ້ນຄົງ. ເປົ້າໝາຍທີສອງແມ່ນມີຄວາມສຳຄັນທີ່ສຸດ ນັ້ນແມ່ນສ້າງກອບນິຕິກຳ ແລະ ແມ່ນແຫຼ່ງກຳລັງໃຈຢ່າງໃຫຍ່ຫຼວງສົ່ງເສີມບັນດານາຍທະຫານຍິງ ແລະ ຕຳຫຼວດຍິງເຂົ້າຮ່ວມການຮັກສາສັນຕິພາບ ສປຊ.”
|
ທ່ານ ພັນເອກ ເລກວັກຮຸຍ, ຫ້ອງການປະຈຳກະຊວງຕຳຫຼວດ ຫວຽດນາມ ກ່ຽວກັບການຮັກສາສັນຕິພາບ ສປຊ ຢັ້ງຢືນວ່າ ຮ່າງກົດໝາຍໄດ້ຮັບການຮຽບຮຽງຢ່າງສົມບູນແບບ ຈະເປັນກອບນິຕິກຳສຳຄັນສົ່ງເສີມແມ່ຍິງເຂົ້າຮ່ວມປະກອບສ່ວນໃຫ້ແກ່ການເຄື່ອນໄຫວດັ່ງກ່າວ:
“ຮ່າງກົດໝາຍຄັ້ງນີ້ ໄດ້ມີຄວາມເອົາໃຈໃສ່ເປັນພິເສດເຖິງລະບອບໂຍບາຍໃຫ້ແກ່ກຳລັງທີ່ເຂົ້າຮ່ວມຮັກສາສັນຕິພາບ, ໝູນໃຊ້ສຳລັບບໍ່ພຽງແຕ່ກຳລັງທີ່ພວມໃນວິວັດທະນາການຝຶກຝົນຫຼໍ່ຫຼອມຢູ່ພາຍໃນປະເທດ ເທົ່ານັ້ນ, ຫາກຍັງໝູນໃຊ້ໄດ້ໃນຂະນະຜັນຂະຫຍາຍ ແລະ ພິເສດ ນັບທັງກຳລັງທີ່ໄດ້ສິ້ນສຸດອາຍຸການ ແລະ ກັບຄືນເມືອປະເທດຢ່າງປອດໄພແລ້ວ. ນອກຈາກນັ້ນ ກໍມີບັນດາຂໍ້ກຳນົດເພື່ອໃຫ້ກຳລັງໃຈກຳລັງເພດຍິງ, ນັບທັງທາງດ້ານວັດຖຸ ແລະ ຈິດໃຈ”.
