 ທ່ານຮອງນາຍົກລັດຖະມົນຕີ ຫວຽດນາມ ຫງວຽນຈີຢຸງ ແລະ ບັນດາຜູ້ແທນໃນພິທີເປີດສະຫຼອງນຳໃຊ້ສູນຄົ້ນຄວ້າ ແລະ ພັດທະນາ SAP Labs Vietnam (ພາບ: VGP/Thu Sa) |
ວັນທີ 07 ສິງຫາ, ກຸ່ມບໍລິສັດເຕັກໂນໂລຢີທົ່ວໂລກ SAP ຂອງ ເຢຍລະມັນ ໄດ້ປະກາດສ້າງຕັ້ງ ແລະ ເຄື່ອນໄຫວສູນຄົ້ນຄວ້າ - ພັດທະນາ SAP Labs Vietnam ຢ່າງເປັນທາງການ ດ້ວຍແຜນການລົງທຶນກວ່າ 150 ລ້ານ ເອີໂຣ ໃນໄລຍະ 5 ປີຈະມາເຖິງ. ສູນຄົ້ນຄວ້າດັ່ງກ່າວຕັ້ງຢູ່ ຕາແສງ ໄຊງ່ອນ, ນະຄອນ ໂຮ່ຈີມິນ, ເຊິ່ງເປັນສູນແຫ່ງທີ 2 ຂອງ SAP ຢູ່ ອາຊີຕາເວັນອອກສ່ຽງໃຕ້ (ແຫ່ງທຳອິດຕັ້ງຢູ່ ສິງກະໂປ).
ກ່າວຄໍາເຫັນໃນເຫດການດັ່ງກ່າວ, ທ່ານ Clas Neumann, ຮອງປະທານຂັ້ນສູງ, ຜູ້ອຳນວຍການເຄືອຂ່າຍ SAP Labs ທົ່ວໂລກ, ໄດ້ຕີລາຄາວ່າ ນີ້ແມ່ນ “ຈຸດເວລາອັນຖືກຕ້ອງ” ເພື່ອລົງທຶນເຂົ້າ ຫວຽດນາມ ເພາະວ່າ ກຳລັງຊັບພະຍາກອນມະນຸດທີ່ມີຄວາມເກັ່ງກ້າສາມາດ້ານເຕັກໂນໂລຢີພວມມີຄວາມອຸດົມສົມບູນ, ມີການໜູນຊ່ວຍຈາກລັດຖະບານໃນຂົງເຂດນະວັດຕະກຳ ແລະ ຫັນເປັນດີຈີຕອນຢ່າງແຮງ, ພ້ອມກັບລະບົບວິຊາການສຶກສາ, ພື້ນຖານດ້ານວັດຖຸທີ່ດີນຳອີກ.
ດ້ວຍເລື່ອງສ້າງຕັ້ງສູນຄົ້ນຄວ້າ ແລະ ພັດທະນາ SAP Labs Vietnam, ຫວຽດນາມ ຈະແມ່ນໜຶ່ງໃນຈຳນວນ 20 ປະເທດໃນທົ່ວໂລກທີ່ໄດ້ຮັບການລົງທຶນສູນ R&D ຈາກ SAP. ຜ່ານນັ້ນ ກໍປັບປຸງຄຳໝັ້ນສັນຍາຂອງ SAP ໃນການຍົກສູງກຳລັງຄວາມສາມາດດີຈີຕອນຂອງ ຫວຽດນາມ ແລະ ນຳ ຫວຽດນາມ ກາຍເປັນຕະຫຼາດເຕັກໂນໂລຢີທີ່ຂະຫຍັນຂັນເຄື່ອນແຖວໜ້າໃນພາກພື້ນ.
