 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໃຫ້ການຕ້ອນຮັບທ່ານນາງ Susanna Campbell, ປະທານກຸ່ມບໍລິສັດ SYRE (ພາບ: VOV) |
ຕອນບ່າຍວັນທີ 23 ເມສາ, ຢູ່ຮ່າໂນ້ຍ, ທີ່ການຕ້ອນຮັບທ່ານນາງ Susanna Campbell, ປະທານກຸ່ມບໍລິສັດ SYRE, ຊູແອັດ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະເໜີ ກຸ່ມບໍລິສັດ SYRE ລົງທຶນພັດທະນາຂະແໜງຕ່ຳແຜ່ນຕັດຫຍິບຕາມທິດສີຂຽວ, ຍືນຍົງຢູ່ ຫວຽດນາມ.
ທ່ານນາຍົກລັດຖະມົນຕີ ສະເໜີວ່າ ດ້ວຍບົດຮຽນປະສົບການກ່ຽວກັບການຜະລິດຕ່ຳແຜ່ນຕັດຫຍິບ, ກຸ່ມບໍລິສັດ SYRE ຕ້ອງຕັ້ງໜ້ານຳໃຊ້ພະລັງງານໄຟຟ້າສະອາດ, ວັດຖຸດິບສົ້ນເຂົ້າທີ່ສະອາດ, ໃນວິວັດການຜະລິດຕ້ອງຫຼຸດຜ່ອນການປ່ອຍອາຍພິດອອກສູ່ສິ່ງແວດລ້ອມ. ເລື່ອງກຸ່ມບໍລິສັດ SYRE ຄາດວ່າຈະມາລົງທຶນຢູ່ແຂວງບິ່ງດິງ ແມ່ນການເລືອກເຟັ້ນທີ່ສະຫຼາດ ຍ້ອນວ່າ ແຂວງບິ່ງດິງມີສະພາບແວດລ້ອມແຫ່ງການລົງທຶນທີ່ດີທີ່ສຸດ.
ສ່ວນທ່ານນາງ Susanna Campbell ໃຫ້ຮູ້ວ່າໃນໄລຍະຜ່ານມາ, ທາງບໍລິສັດພວມຍູ້ແຮງການລົງທຶນເຂົ້າບັນດາຕະຫຼາດຕ່າງປະເທດ, ໃນນັ້ນໃຫ້ບຸລິມະສິດການຫັນເປັນສີຂຽວ, ພັດທະນາແບບຍືນຍົງ. ທ່ານນາງ Susanna Campbell ກໍ່ປາດຖະໜາຢາກພ້ອມກັນຮ່ວມມືເພື່ອນຳຫວຽດນາມ ກາຍເປັນສູນລະບົບນິເວດຕ່ຳແຜ່ນຕັດຫຍິບທົ່ວໂລກ.
ແລະກໍ່ໃນຕອນບ່າຍວັນດຽວກັນ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ຊູແອັດປະຈຳ ຫວຽດນາມ Johan Ndisi. ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ແລະ ຊູແອັດ ມີການພົວພັນມິດຕະພາບອັນດີງາມທີ່ສຸດໃນຫຼາຍປີຜ່ານມາ, ທ່ານປາດຖະໜາຢາກພັດທະນາເສດຖະກິດສີຂຽວ, ເສດຖະກິດໝູນວຽນ ກັບຊູແອັດ.
