ລາຍການສະແດງສິລະປະ “ເອກອ້າງທະນົງໃຈທີ່ໄດ້ເປັນຄົນ ຫວຽດນາມ”

(ທີ່ລາຍການສະແດງສິລະປະ)

ຕອນຄ່ຳວັນທີ 17 ສິງຫາ, ລາຍການສະແດງສິລະປະພິເສດ “ເອກອ້າງທະນົງໃຈທີ່ໄດ້ເປັນຄົນ ຫວຽດນາມ” ໄດ້ຈັດຂຶ້ນຢູ່ສະໜາມກິລາແຫ່ງຊາດ ມິ້ດິ່ງ, ຮ່າໂນ້ຍ. ລາຍການໄດ້ຈັດຂຶ້ນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນ ສິງຫາ ບັນລຸຜົນສຳເລັດ (19 ສິງຫາ 1945 – 19 ສິງຫາ 2025) ແລະ ວັນຊາດປະເທດ ຫວຽດນາມ (02 ກັນຍາ 1945 – 02 ກັນຍາ 2025).

ລາຍການໄດ້ວາດພາບເຖິງບັນດາໜ້າປະຫວັດສາດຈາກຍຸກສະໄໝເຈົ້າຊີວິດ ຮຸ່ງ ສ້າງຕັ້ງປະເທດຊາດ, ບັນດາໄຊຊະນະຕ້ານສັດຕູເຂົ້າມາຮຸກຮານ ຕະຫຼອດຮອດເມື່ອແສງສະຫວ່າງຂອງການປະຕິວັດໄດ້ເຍື່ອງທາງໃຫ້ແກ່ຊາດ, ການກຳເນີດຂອງພັກກອມມູນິດ ຫວຽດນາມ ວັນທີ 03 ກຸມພາ 1930, ການປະຕິວັດເດືອນ ສິງຫາ, ປະທານ ໂຮ່ຈີມິນ ກ່າວຖະແຫຼງປະກາດເອກະລາດເມື່ອ ວັນທີ 02 ກັນຍາ 1945.